|
|
Quinta (16/11/2017)- Projetu ba kapasidade dezenvolvimentu iha FECT,UNTL liu husi Projetu CADAFEST faze daruak husi kooperasaun ne’ebe halao entre nasaun rua Timor Leste ho Japaun liu husi Ajensia Internasional japaun nian JICA . 5th Steering Committee Meeting (SCM) hala’o iha Loron Quinta 16 Novembru 2017 iha Meeting Room Hera Campus, ho ajenda ba sorumutu nee maka atu review fali projetu aktividade husi fulan Agustu to Novembru 2017, komfirmasaun ba planu projetu actividade ba Novembru 2017 to Marsu 2018 no mos sei deskuti kona ba problema ne’ebe maka iha relasaun ho projetu aktividade nian. Iha sorumutu ne’e partisipa husi Decanu FECT no estrutura sira, Diretores no vise directores departamnetu sira no mos husi JICA rasik.
Abertura ba sorumutu ne’e husi Dekanu FECT Dr. Ruben Jeronimo Freitas, hafoin de ne’e husi parte JICA Sr. Takahashi halo aprejentasaun Power Point kona ba ajenda sira ne’ebe menciona iha leten, no informasaun klean liu tan iha aprejentasaun nee maka kona ba informasaun husi projetu CADAFEST nee rasik hanesan manajementu Fakuldade nian, edukasaun no mos peskiza.
Iha sorumutu ne’e SR. Takahashi mos husu esplikasaun husi Dekanu no estrutura kona ba estudante sira ne’ebe maka eskola liu tia tinan ne’ebe determinadu ka bele dehan Drop Out?
Hatan ba kestaun ne’e Dekanu hateten katak husi parte Fakuldade mos deskuti ona kona ba problema ne’e no Vice dekanu akademiku mos hatama ona esbosu ba Reitor kona ba Lei balun ba Drop Out nian maibe rejultadu husi Reitor ate agora seidauk hatun mai nível Fakuldade, husi parte departamento sira mos aseita ho lei Drop Out atu nune’e bele halo estudante sira estuda makaas no mai labele mai eskola tuir sira nia hakarak no rajaun seluk maka departamento balun laiha ekipamentu ne’ebe bele apar ho estudante sira nia teze tan ne’e sira labele halo peskiza ida ne’e mos impaktu hotu ba tempu de estudu estudante nian.
Além de ne’e husi kada departamento mos lamenta problema ne’ebe sira hasoru iha sira nian departamentu hanesan menus de ekipamentu ba aula pratika no fatin atu halo pratika no rai sasan pratika sira.
Husi parte JICA Sr. Shimakawa mos hateten katak bazeia ba peskiza ne’ebe hala’o husi professor japaun neebe mai iha Fakuldade halo entrevista ho estudante sira no estudante sira ladun iha abilidade ba matéria matematika ne’e tamba saída?
Hatan ba ne’e nafatin Dekanu FECT hateten katak bazeia ba estudante sira nia matematika ne’ebe low ne’e laos deit husi dosente matematika sira hanorinmak ladun diak maibe bazeia mos ba iha seleksaun ne’ebe hala’o husi universidade ba estudante sira ne’ebe atu tama mai iha Fakuldade Enjenaria, dekanu mos husu ba departamento ida-idak atu bele fo input ba dosente sira ne’ebe hanotin matematika bajika atu nunee bele limita matéria ne’ebe prexija hanorin no la prexija hanorin.
Ida ne’e maka sorumutu ba loron ohin iha Meeting Room hera Campus.
