|
|
Segunda(27/11/2017)-Enjenaria cup hanesan tradisaun ida ne’ebe sempre halo iha Fakuldade Enjenaria Siensia no teknolojia iha kada tinan maibe iha tinan 2016 la realiza tamba orsamentu laiha, no iha tinan ida ne’e Enjenaria Cup konsege realiza. Iha Enjenaria Cup existe jogu sira hanesan Football, volleyball feto no mane, kompetisaun catur no mos Koru husi kada departamento.
No iha tinan ida ne’e Enjenaria Cup realiza ho âmbito ba Vigessimo Sexto Aniversario Masacre Santa Cruz ne’ebe ho tema maka “Mai ita ida-idak halo ita nia Knaar lor-loron ho responsabilidade hodi fo Honra no Gloria ba ita nia Aswain sira ne’ebe fo sira nia vida ba rai doben ida ne’e”. Enseramentu ne’e lolos realiza iha 12 de Novembru 2017 maaibe tamba rajaun katak jogus seidauk remata ka too nia finalidade entaun enseramentu hala’o iha ohin loron iha Kampus Hera no Konvida mos Bainaka sobrevivente 12 de Novembru atum ai hato’o ka konta istoria kona ba Masacre de Santa Cruz ba estudante sira iha FECT, no orador nain rua ne’e maka Maun Amali no maun Rogerio Castro de Jesus (NK) ne’ebe fahe sira nia esperiensia durante prosesu molok no ate tama ba Massacre Santa Cruz.
Iha ne’ebe Komisaun organizadora mos hatoo relatório orsamentu ba eventu ne’e , orsamentu ne’ebe iha laos deit mai husi Universidade maibe mos husi sponsor sira ne’ebe estudante sira rasik maka buka meius atu hetan esponsor sira ne’e hodi kompleta orsamentu Universidade nian too realiza duni eventu ne’e.
Iha momento ne’ebe hanesan husi Komisaun Fahe mos Premiu ba Manan Nain sira ne’ebe sai vensedor ba Jogus sira ne’ebe menciona iha leten.
