|
Cinque Terre

Eleisaun Nukleo DEEE

Segunda(26/03/2018)- Departamento Electronica e Electrica hanesan Departamento ida ne’ebe hamahan aan iha Faculdade Engenharia Ciência e Tecnologia -FECT Universidade Nacional Timor Lorosa’e UNTL. Ohin loron iha DEEE hala’o eleisaun ba estudante ne’ebe kandidatu atu bele sai xefi hodi organiza estudante no ajuda Departamento ba hala’o aktividade ruma no organizasaun ne’e hanaran Nukleo estudante. Iha eleisaun ne’e hetan partisipasaun husi Vice Decano Assunto Estudantil Eng. João Bosco Ribeiro F. Cabral hanesan mos dosente iha DEEE, Diretor DEEE Eng. Nicolau R. da Costa, Senado FECT no  Estudante ativo sira.

Eleisaun ba Nukleo DEEE ne’e iha Pakote  tolu (3) ne’ebe mai husi estudante semester tolu (3) no lima (5), iha pakote A kompustu husi estudante semester 3 turma B, estudante sira mak Revelita M.A.Guterres nuudar Prejidenti, Martinho Ximenes da Costa nu’udar Vice I no Lucas dos Santos pinto nu’udar Vice II, iha pakote B kompostu husi estudante semester lima (5) , Jose Belmiro Belo nu’udar prejidenti, Antonio Pacheco nu’udar Vice I no Bernardino de Castro nu’udar Vice II, no iha pakote  C kompostu husi estudante semester 3 turma A, estudante sira mak Agustinho de Jesus Soares nu’udar Prezidenti, Acacio Brito nu’udar Vice I no Germano da Costa nu’udar Vice II.

Molok hakat ba eleisaun iha biban ida ne’e director DEEE Eng. Nicolau R. da Costa hateten ba estudante sira  katak “iha eleisaun ne’e tenki hili ulun ida ka lider ida ho nia objektivu atu organiza, no iha ema ida para bele lidera imi, no valor ida ne’ebe mak manan nian mak sei sai imi nia ulun bo’ot”

Vice Decano Assunto Estudantil Eng. João Bosco Ribeiro F. Cabral mos hato’o nia lamentasaun balun katak nia la satisfaz ho aktividade eleisaun ohin loron nian tamba preparasaun laduun diak, “hau hakarak foo Kritika ituan ba atividade ohin loron nian ne’ebe ho preprasaun ladun diak maibe ho ida ne’e be;e sai ezperiensia ida atu nune’e aban bainrua bele sai diak liu tan”. Vice Dekanu mos hatutan tan katak iha universidade ida no Fakuldade ida iha sivitas tolu(3) mak hanesan Dosenti, Administrasaun no Estudante, no estudante nia organizasaun ne’e eziste iha universidade ida ho iha nia sanak ba too departamento ida-idak nemak hanaran Nukleo. Nekleo nemak importante no sei fo apoiu ba asosiasaun estudante nian hosi hala’o aktividade ruma, Nukleo mos hanesan fatin ba estudante sira atu dezenvolve Departamento, Fakuldade no Universidade sai diak Liu tan hanesan buat ne’ebe ita mehi katak sai sentru ba intelijencia, sai fatin atu aprende mos. Atu aprende sai lideransa  ne’e tenki iha honestidade no responsabilidade.

Iha parte seluk Senado FECT Silveiro dos S. Cabral mos hato’o nia agradesimentu ba komisaun organizadora bele kria ona ambiente ida ne’e hodi bele halo eleisaun, Nia mos hatutan tan katak “pakote sei reprejenta husi kada semester, husu karik semester ida ne’ebe mak laliu iha eleisaun ne’e husu nafatin atu bele ajuda malu nafatin no tau fiar bainhira sira organiza aktividade ruma”.

Pakote ida-idak sei hato’o sira nia planu no visaun misaun molok tama ba eleisaun. Depois de aprejenta sira nia planu sira, komisaun organizadora sira mos halo esplikasaun kona ba prosesu eleisaun ne’e rasik ba estudante hotu atu nune’e eleisaun loron ohin ne’e bele lao ho diak. Komisaun organizadora sira ne’e kompostu husi estudante Nukleo sesante. Iha eleisaun ne’e pakote ne’ebe mak eleito iha eleisaun ida ne’e mak Pakote B estudante semester 5  no nia prejidenti mak Jose Belarmino Belo, Vice I mak Antonio Pacheco no nia Vice II mak Bernardino do Castro ne’ebe mana ho 82 votus no Pakote rua seluk Pakote A hetan 30 Votus no pakote C hetan 34 votus no votu Nulu 1.

“hau hato’o parabens bai ta hotu no agradese ba prejensa ohin loron nian ba partisipasaun no tempu tomak, no husu ita atu kolabora nafatin, no hau hakarak hatete sai lideransa laos atu ukun maibe atu servi, hau mesak deit hau sei labele halo buat ida tan ne’e husu ita hotu atu hamutuk hodi atinji ita nia departamentu nia mehi, dalalida tan agradese wain no parabens ba ita hotu” hateten Prejidente Nukleo Eleito hafoin de kontajen de votus.

No planu ba tomada de posse sei hala’o iha loron tuir mai, sei halao hamutuk ho  serimonia  makrab ka kalan amizade ba estudante foun sira.

 

 

 

 

 

 

Mapa Local FECT



Pagina Facebook


Ba Leten