|
Cinque Terre

Steering committee Meeting ba dala Hitu

Tersa- Feira (27/11/2018)- Projetu ba kapasidade dezenvolvimentu iha FECT,UNTL liu husi Projetu CADAFEST faze daruak husi kooperasaun ne’ebe halao entre nasaun rua Timor Leste ho Japaun liu husi Ajensia Internasional Japaun nian JICA. 7th steering committee meeting (SCM) hala’o iha ohin loron  Tersa 27 Novembru 2018 iha meeting room Hera Campus no ajenda ba sorumutu ohin nian maka sei koalia kona ba review aktividade husi fulan Jullu 2018 -Novembru 2018 no planu ba fulan Dezembru 2018-Marsu 2019 , sei diskute mos kona issue ne’ebe relevante ho projetu aktividade nian. Iha sorumutu ne’e partisipa husi Decanu FECT no estrutura sira, Diretores no vise directores departamentu sira no mos husi JICA  Sr. Atsushi Takahashi no Prof. Dr. Koichi Shimakawa.

Abertura ba sorumutu ne’e husi Dekanu FECT Dr. Ruben Jeronimo Freitas, hafoin de ne’e husi parte JICA Sr. Takahashi halo aprejentasaun Power Point kona ba ajenda sira ne’ebe menciona iha leten, no  informasaun klean liu tan iha aprejentasaun nee maka kona ba informasaun husi projetu CADAFEST nee rasik  hanesan manajementu Fakuldade nian, edukasaun no mos peskiza.

Kooperasaun iha ensinu superior ne’e hodi kontribui ba problema social iha Timor Leste liu husi Universidade Nasional Timor Lorosa’e especial iha Departamentu Mekanika,Civil,Elektronika i Elektrika, Informatika no Geolojia Petroleu. Projetu ne’ebe hala’o agora dadaun iha hera ne’e iha parte rua mak hanesa Tekniku kooperasaun faze daruak no Projetu Uma foun.

Iha Tekniku kooperasaun faze daruak iha nia objektivu projetu nian kona ba edukasaun no funsaun  peskiza koresponde ba nesesidade social mellorada iha FECT-UNTL no nia rejultadu maka fo sai mekanismu husi manajemente Fakuldade hodi rejolve questaun prioritaria, kona ba edukasaun sei koresponde tuir nesesidade social ne’ebe oferese iha FECT-UNTL  no kona ba Peskija sei koresponde mos tuir nesesidade social ne’ebe konduta husi edukador sira iha FECT-UNTL. Period ba servisu hamutuk ida ne’e durante tinan 5 husi fulan Agustu 2016-Agustu 2021, total orsamentu hamutuk 5.87 Million Yen no Universidade japaun nian ne’ebe fo supporta mak hanesan Universidae Teknolojia  Nagaoka, Universidade Yamaguchi, Universidade Gifu no Universidade  Kyushu.

Parte projetu uma foun nian iha nia objektivu atu promove kualidade no kondisaun ba edukasaun no treinamentu ne’ebe hala’o iha FECT liu husi konstrusaun uma foun no mos fornese peskija no ekipamentu edukasaun. Fornese ekipamentu hanesan fasilidade aula nian, ekipamentu laboratoriu no fasilidade biblioteka. No fasilidade ne’ebe iha uma foun maka hanesan aula, aula seminariu, aula ba dosenti, armajena no fatin multifunsaun. Valor maximu ba uma foun ne’e hamutuk 2.231 billion yen.

Rejultadu aktividade husi Manajementu Fakuldade nian ne’ebe realiza iha fulan Jullu- Novembru 2018  maka hanesan  special lecture husi professor Japaun Prof. Takahashi, Prof.Yamaga, Prof Kobayashi no Prof. Kazama ,site visit Tide Gauge iha Dili Port, seminariu iha Departamentu Informatika, aktividade edukasaun no peskija, eventu entrega ekipamentu uma foun. No sei diskuti mos planu ba fulan dezembru-Marsu 2019.

Rejultadu husi parte eduksaun ne’ebe hala’o iha FECT maka iha evaluasaun klase nian hetan ona media point Haat (4) no sei nafatin diskuti ba evaluasaun klase iha fulan dezembru no mos orariu ba Avaliasaun ANAAA, silabus no material hanorin sei review iha 2019 no sei diskuti iha komitee akademiku no projetu ne’e mos oferese supporta karik iha difikuldade ruma ba dosenti sira iha materia ne’ebe hanorin bele konsulta personalmente iha fatin JICA Hera.

Rejultadu ba aktividade peskija ne’ebe hala’o ona iha FECT husi staff Fakuldade nian ne’ebe submete ona proposal peskiza bazeia ba nesesidade social nian atinji ona 80% , no peskija atual ne’e iha maka husi Departamentu Mekanika kona ba Tua Sabu no Wind Power, Departamentu Civil kona ba Water Filtration no Tide Gauge (Measurment), Departamentu Elektrika I Elektronika kona ba Wind Power no Solar Power, Departamentu Informatika kona ba Road Roughness, Water Quality no Language Recognition, Departamentu Geolojia Petroleu kona ba Trace Element Analysis of basaltic Rocks. Kona ba peskija nian iha FECT liu husi cooperation Unit lansa ona edisaun dahuluk ba Journal  Timorese Academic Journal of Science and Technology (TAJST) husi rejultadu peskija dosenti FECT nian no Vice Dekanu Interinu ba Koperasaun i peskija Eng. João Bosco R. Fernandes Cabral mos hateten iha sorumutu ne’e katak husi parte koperasaun nia sei lansa tan Jounal ba edisaun daruak iha 2019, tamba  ne’e husi nia parte koperasaun nian sei husu ba dosenti sira atu bele halo peskija hodu hatama ba koperasaun unit. No husi fulan Fevereiru-Marsu 2019 JICA experts sira husi Japaun sei mai iha FECT bazeia ba area ida-idak nian tuir departametnu lima iha FECT. Alende ne’e sei iha mos  treinamentu tempu badak ba dosenti FECT iha Universidade Japaun ne’ebe halo ona koperasaun ho FECT-UNTL.

 Depois de aprejentasaun husi Parte JICA kona ba ajenda ne’ebe atu koalia, husi parte FECT Diretor Departamentu ida-idak mos hato’o sira nia lamentasaun ne’ebe sira iha kona ba  Dosenti, materia hanorin no mos ekipamentu ba laboratoriu no peskija nian.

No planu ba SC Meeting tuir mai sei hala’o iha fim do mes Fevereiru-Marsu 2019.

 

Mapa Local FECT



Pagina Facebook


Visitores


Flag Counter

Ba Leten