|
|
Quinta Feira (26/09/2019)- Chief Advisor JICA CADEFEST Project II, Prof. Dr. Koichi Shimakawa ohin loron halo palestra espesial kona ba oinsa hakerek relatoriu peskiza ba estudante finalista husi Departamentu Enjenaria Sivil iha sala Sivil, Fakuldade Enjeñaria Siensia no Teknolojia-UNTL.
Iha palestra ne’e Prof. Shimakawa esplika oinsa uza metodolojia ne’ebe lo’os ba peskiza nian no oinsa maneira ne’ebe diak hodi hakerek relatoriu. Iha palestra espesial nee mos professor enkoraza estudante sira atu iha interese no motivasaun aas atu halo peskiza ba area espesifiku ne’ebe bele resposta ba iha nesesidade husi sosiadade.
Alen ida ne’e professor mos fahe nia experensia ba tinan barak kona ba oinsa deside titulu ne,ebe diak baseia ba nia interese. Professor mos hatudu papel resultadu husi nia peskiza hodi explika etapa ba etapa halo peskiza refere. Estudante sira mos entusiasmu tebes hodi hamosu perguntas barak bazeia ba materia ne’ebe Professor fahe ba sira iha palestra ohin loron.
