|
|
Segunda Feira (21/10/2019)- Grupu peskiza “Road Infrastructure Monitoring Research (RIRM) Group” mak hanesan grupu ida ne’ebe hala’o peskiza iha area monitorizasaun infraestrutura ba estrada. Grupu peskiza ida ne’e kompostu husi dosenti Enjeñaria Sivil, Mariano Renato Monteiro da Cruz, M.Eng nu’udar xefi ba grupu ho ninia area peskiza iha Estrada no Transportasaun (Road and Transportation), no dosenti nain rua husi departamentu enjeñaria Informatika Frederico Soares Cabral, M.Eng , area peskiza iha Monitorizasaun Superfisie Estrada ( Road Surface Monitoring) no Vosco Pereira, M.Eng area peskiza iha Monitorizasaun Infraestrutura ba Estrada (Road Infraestruture Monitoring). Grupu ne’e hetan konsultor husi professor sira husi Universiade Japaun, Shinichiro Nakashima, Dr. Eng., nu’udar professor iha Enjeñaria Sivil Universidade Yamaguchi, Hidekazu Fukai, Dr.Eng., no Satoshi Tamura, Dr. Eng. nu’udar professor iha Enjeñaria Informatika Universidade Gifu.
Membru grupu RIRM hala’o aprejentasaun kona ba progresu ne’ebe hetan iha peskiza ida ne’e ba Chief Advisor Japan International Cooperation Agency (JICA) Projetu CaDeFEST faze darua Prof. Dr. Koichi Shimakawa no Sr. Atsushi Takahashi Takahashi no estudante husi Departamentu Enjeñaria Sivil no estudante Departamentu Enjeñaria Informatika iha sala enkontru Hera kampus (18/10). Rezultadu peskiza ne’ebe aprezenta maka oinsa atu monitoriza kondisaun estrada nian utiliza smarphone no mos prosesa dadus estrada nian ne’ebe iha utiliza image prosesing technique.
