|
|
Tersa feira (22/10/2019)- Fakuldade Enjenãria Siensia no Teknolojia iha misaun ne’ebe hakarak hasa’e kapasidade edukasaun estudante sira nian liu husi dalan balun hanesan palestra espesial sira husi professor sira ne’ebe mai husi universidade nasaun seluk nian. Palestra espesial (18/10) ne’ebe hato’o husi Professor Hidehiko Kazama nu’udar eis manorin iha universidade Satama Japaun no sai hanesan JICA Short Term Expert, palestra espesial ne’e hato’o ba estudante sira iha Departamentu Enjeñaria Sivil, dosente sivil, dosenti sira husi universidade DIT, UNITAL, UNPAZ no mos reprezentante husi Ministeriu Obras Publicas (MOP).
Topiku ba palestra refere maka “Actual Slope Failure and Theory of Slope Stability” ne’ebe koalia kona ba tipu sira husi slope (inklinasaun) hanesan rai halai ka rai monu, superfisie faille, flusu destrito no erosaun. Rai halai ka rai monu, failla iha superficiu no fluxu destritos sira ne’e hotu hanesan fenomena ne’ebe mai husi udan be’en. Be’e sira ne’ebe autoriza ba iha slope halo forsa mudansa ne’e sa’e, halo forsa rezistensia nian tu’un no halo slope la estabiliza. Alende ne’e mekanismu husi rai halai no superfisie ne’ebe failla bele diskute iha c no Φ. Okurasi ba kondisaun superfisie ne’ebe failla hanesan inklinasaun angulu husi slope ne’e bo’ot liu 30° , rai leten nia mahar maka 1-5m, no total husi kuantidade udan be’en nian mais do ke 250mm. Utiliza metodu kontra medida ba konstrusaun oioin iha rai halai, superfisie ne’ebe failla no iha fluxu destrito nian. Konkluzaun ba aprezentasaun husi professor Kazama.
Iha biban ida ne’e Diretor departamentu Enjeñaria Sivil Eng. Alfredo Ferreira mos senti satisfaz ba palestra ne’e tamba durante ne’e palestra espesial husi Professor konvidadus sira ba deit estudante no dosenti sira iha Fakuldade Enjeñaria Siensia no Teknolojia maibe palestra ida ne’e bele loke ba konvidadus husi parte universidade seluk no reprezentante Ministeriu ne’ebe hanesan stakeholder ba iha Departamentu Enjeñaria Sivil.
“Hau senti kontenti tamba ho palestra ohin loron ne’e diferente tebes la hanesan palestra sira ne’ebe liu ona tamba bele nakloke ba governu sira no mos universidade seluk ne’ebe iha area Enjeñaria Sivil hanesan DIT, UNITAL no UNPAZ ho nune’e Enjeñaria sivil mos bele halo ligasaun diak ho parte refere atu bele kontribui iha area sivil nian.” hateten Diretor Departamentu Sivil.
Palestra ne’ebe hala’o durante oras rua nia laran hetan partisipasaun maximu husi estudante sira no partisipante ne’ebe partisipa tamba hamosu perguntas barak no diskujaun kona ba topiku ne’ebe aprejenta.
