|
Cinque Terre

Expozisaun iha Departamentu Engeñaria Sivil -“Hamutuk Hodi Hakle’an Koñesimentu iha Area Eng. Sivil”

Segunda Feira (28/10/2019)- Departamentu Enjeñaria Sivil (DES), Fakuldade Enjeñaria Siensia no Teknolojia- UNTL kada tinan akademiku  sempre halo aktividade rua hanesan Seminariu Sientifiku no despedida ba estudante finalista sira, maibe iha tinan ida ne’e DES iha ideia aumenta tan atividade expozisaun  kona ba aktividade aprendijazem iha departamentu laran. Expozisaun ne’e ho tema “Hamutuk Hodi Hakle’an Koñesimentu iha Area Eng. Sivil” no  hala’o durante loron rua kinta-sexta (24-25/10) no hala’o  mos  seminariu aumesmu tempu despedida ba estudante finalista sira iha loron sabadu (26/10) fatin kampus Hera. Expozisaun refere loke ba publiku no konvida mos eskola sekundaria sira iha Dili laran, Universidade sira hanesan DIT, UNPAZ, UNITAL, UNDIL, IPB,  Ministerio Obras Publikas (MOP), Ajensia Dezenvolvimentu Nasional (ADN), reprezentante Japan International Cooperationa Agency (JICA) no kompañia sira . Expozidor sira mai husi estudante ativu DES no fahe ba ekipa hitu mak hanesan Laboratotiu De Hidrolojia e Hidaulica (ekipa maket Hidrolojia + Canal Irigação, ekipa Hidraulica) , Laboratorio Topografia, Laboratorio de Geotecnica, Laboratoriu de Estrutura (ekipa Estrutura do Ponte, Ekipa Maket estrutura do pavimentação Rodoviario, ekipa Estrutura do Edificio), Laboratorio de Material de Construção (Ekipa Preparação do Material Construção, Ekipa Mix Dezain do Betão), ekipa Geometrio Rodoviario, ekipa Gestão do Projeto.

Iha bertura ba expozisaun ne’e partisipa husi Pró-Reitor dos Assuntos do Planeamento e Desenvolvimento Institucional Leonel da Silva Gregorio Madeira, M.Eng., Dekanu FEST Dr. Ruben Jeronimo Freitas, Dosente Sivil , estudante no mos konvidadus espesial sira.

Diretor Departamentu Enjeñaria Sivil Eng. Alfredo Fereira hala’o aprejentasaun kona ba Perfil DES. No director  mo hateten katak expozisaun ne’e  hanesan aktividade ida ne’ebe priemira vez hala’o husi DES ho objektivu atu estudante sira hatene organiza  eventu no  kria amizade entre DES ho Universidade seluk.

“Objektivu husi Expozisaun ne’e atu estudante DES rasik aprende oinsa organiza eventu ruma ho sira nia kreatividade, no fo informasaun ba estudante sekundaria sira hodi konese area sira iha DES laran, ba universidade sira ho meius ida ne’e bele kria amizade atu lao hamutuk iha misaun akademiku  hodi responde ba dezenvolvimentu pais ida ne’e, alem de ne’e ba stakeholder sira hanesan parte governu no kompañia NGO nss  atu konese lolos kompetensia graduadu husi DES no hein katak sira sei fo sira nia feedback no sujestaun bazeia ba sira nia ejizensia atu sentru produsaun enjineiru  ida ne’e bele produs  enjineiru sira diak liu tan tuir sira nia ejizensia iha merkadu, expozisaun ida ne’e mos hanesan forma apresiasaun bo’ot ba governu Japaun liu husi JICA katak imi nia apoiu no suporta ne’ebe fo mai UNTL liliu FEST  no ba Departamentu sira, laos edifisiu bo’ot ne’ebe hamriik dadauk ne’e maibe antes ida ne’e iha ona buat barak hanesan material, ekipamentu, bolsu estudu, asistensia tekniku no seluk tan no Hau fiar katak ema seluk seidauk hatene. Tamba ne’e maka liu husi expozisaun ida ne’e ami hakarak hatudu nia utilizasaun, rejultadu no aproveita hodi hato’o ami nia apresiasaun no sei presiza nafatin imi nia suporta”.  hateten Diretor Sivil depois de aprejentasaun ba Profile DES.

Iha  biban ida ne’e Dekanu FEST mos  hateten katak obra husi estudante no desenti DES ba Fakuldade ne’e barak tebes liu husi sira nia kreatividade no inovasaun hodi kria buat ruma tuir area ne’ebe sira aprende. No ezemplu husi sira nia obra ida maka kuadru Bemvindu iha odamatan bo’ot  tama nian.

Hafoin abertura Pró-Reitor akompaña ho Dekanu FEST no konvidadus sira hala’o vizita ba stand expozisaun hodi hare estudante sira nia rezultadu peskiza no kreatividade ne’ebe sira halo. Ba konvidadus sira husi Sekundaria, Universidade no stakeholder sira vizita stand ne’ebe iha tuir ajenda ne’ebe komisaun organizadora sira oferese. 

Mapa Local FECT



Pagina Facebook


Ba Leten