|
Cinque Terre

Estudante FEST satisfas ho dormitoriu maibe presiza nafatin tau atensaun

Hera- Estudante Fakuldade Enjeñaria Siénsia no Teknolojia (FEST), sente satisfás ho dormitóriu ne’ebé universidade prepara ona ba sira maibé presiza nafatin atu tau atensaun ba difikuldade sira ne’ebé estudante sira enfrenta. 

“Ami sente  di’ak ona hodi tuir aula besik maibé difikuldade ida mak, ami husu ba universidade kona-ba laiha televizaun ida atu akompaña informasaun, bee ladún estavel no wireless laiha” Agusta de Araújo, informa ba Semanál Akadémika iha dormitóriu Hera (26/09).

Agusta hatutan, Kona-ba difikuldade hirak ne’e  hato’o ona karta ba universidade maibé rezultadu ladauk rona maibé dormitóriu ne’e di’ak ona  ba sira.

Iha fatin hanesan Natalino Maia, nu’udar responsavel ba grupu mane nian iha dormitóriu hateten, dormitóriu ne’e fasilita di’ak ona sira lahanesan uluk tenke sa’e transporta husi Dili ba kampus hodi tuir aula.

“Durante ami hela iha ne’e, seidauk iha parte husi universidade nomós fakuldade mai vizita hodi haree  ami-nia kondisaun ne’e di’ak ou la’e”, informa Natalino.

Natalino aumenta katak, buat ne’ebé sira rasik sustenta an mak hanesan nesesidade báziku no alimentasaun ba sira, dalaruma laiha ona tenke tún ba Dili sosa lori ba sira-nia fatin (dormitóriu).

Hataan ba ezijénsia hirak ne’e, Administradór Jerál, Mateus Fernandes hateten estudante sira-nia preokupasaun ne’e di’ak maibé estudante presiza saida mak atu halo tanba buat hotu tenke la’o tuir prosesu.

“Estudante balun hela iha loron de’it no loraik fila tiha mai Díli, entaun oinsá dormitóriu ne’e bele fasilita di’ak sira atu estuda no ita konsidera sira-nia propsta meibé problema orsamentu no sei hatan iha tinan oin mai” hatutan Mateus.

Administradór Jerál ne’e enkoraja estudante sira atu hala’o mos esforsu ruma kontribui ba sira an no universidade liuhusi fatin ne’ebé oferese ba sira mas la’os abandona sira maibé foin fulan ida resin sira hela.

Mapa Local FECT



Pagina Facebook


Ba Leten