|
Cinque Terre

JICA Ajuda Komputadores no makina fotokopia ba FE

Kampus Hera - Atu kapasita rekursus humanus no siénsia teknólojia iha Universidade Nasionál Timor Lorosa’e (UNTL) Japaun liu husi nia ajensia JICA oferese komputadares 60, makina fotokopia 1 no ekipamentus sira seluk ne’ebé maka sei utiliza iha laboratórium no ba atividade peskija nian ba Fakuldade Tekníka iha kampus Hera, Kuarta – feira semana kotuk.

Reitór UNTL Aurelio Guteres hatete ajuda ne’e nuda’ar parte komperasaun entre UNTL no Governu Japaun liu husi ajensia JICA, atu fó asistensia no fasilita Dosente no Estudante sira ia aspetu oin–oin.

“koperasaun ne’e Governu Japaun Fó asistensia iha aspetu 5 maka atu ajuda bolus estudu ba dosente sira atu kontinua sira nian estudu mastradu iha Japaun, ida fali maka professores sira husi Japaun no mos husi ITS Indonezia mai atu Fó apoiu dezenvovimentu kuríkulum nian no mós fó formasaun ba estudante hodi hametin instituisaun Fakuldade nian no apoiu ekipamentus atu uza iha atividade aprendisajem peskija nian iha Fakuldade Engenaria Siénsia no Teknólojia” , dehan Reitór iha serimonia entrega ekipamentus iha kampus Hera.

Reitór hatutan tan katak  ajuda ekipamentus hirak ne’e oinsa profesores no estudante sir abele utilize ho diak.

“Maske nasaun Japaun iha situasaun difísil maibé sira iha komprimisu mai ita  kontinua ne’ebé oinsa sasan sira ne’e ita bele utiliza ho di’ak ba peskija no ba ensinu aprendijazem” dehan Reitór

Iha parte seluk Chefe representante JICA Hirohiko Takata hatete JICA iha intensaun maka’as atu apoiu hodi hasa’e kapasidade rekursus umanus iha UNTL tamba ne’e maka objectivu JICA nian.

“Pilares importante JICA nian iha Timor Leste mak atu dezenvolve kapasitasaun Rekursus Humanus Liu husi Siensia edukasaun no Teknolojia tanba ne’e JICA sei tau matan boot ba Fakuldade ne’e   iha atividade aprendisajen no atividade sira seluk ho apoiu formasaun ba dosente sira no mós ekipamentus nune’e ha’u espera katak dosente sira iha ne’e bele iha kapasidade diak liu tan iha area peskija nian ”, dehan

Nune’e Dekanu Fakuldade Engenaria Siência e tecnólogia António Marçal hateten tan katak durante ne’e JICA fó ajuda barak ona laos deit material maibé mos kapasitasaun rekursus humanus liu – liu iha area peskija nian.

“oferesementu materiál ne’e ba dala barak ona no ohin sira entrega tan material mai atu fó apoiu ba laboratorium hira ne’ebé iha fakuldade nia laran, nune’e iha profesores nain hitu husi universidade tolu iha japaun ne’ebé mak sei orienta ita nia dosente sira para atu halo peskija relasiona ho evidensia ne’ebé iha ita nia rai laran no mós profesores sira fó apoiu osan ba peskija ne’e” dehan

Nia akresenta liu tan apoiu ne’e iha benifisiu ne’ebé boot atu dezenvolve fakuldade ne’e, tambá material hirak ne’e atu fasilita estudante sira hodi hasai kursu lisensiatura.

“kursu ne’e hahú husi 2012 ba leten hasae ona ba lisensiatura liu – liu departamentu ne’ebé JICA apoiu maka departamentu mekánika, elektro no civil tamba ne’e material hirak ne’e prepara hela ba kursu lisensitura ida ne’e ho didiak no iha vantajen ne’ebé boot tamba nia benifisiu ne’e ba estudante sira hotu”,  dehan Marçal

Projektu CADATES ( Capacity Development teaching staff) nudar projektu dahuluk JICA iha tinan 2006 to’o 2010 hodi fó kapasitasaun ba funsionario sira iha fakuldade engenaria, nune’e iha 2011 to’o 2015 sei fó kapasitasaun ba edukasaun no siensia teknolojia ho projektu CADAFEST ( Capacity Development of Faculty of Engineering Science and Technology).

 

 

 

 

 

Mapa Local FECT



Pagina Facebook


Ba Leten