|
Cinque Terre

Hetan bolsu estudu, ajuda inan-aman

Liseu - Governu Japaun liuhusi Fundasaun Osaka Gas ba Interkámbiu Kulturál Internasionál (OGFICE), Ajénsia Kooperasaun Internasionál Japaun (JICA) no Universidade Nasionál Timor-Lorosa’e (UNTL) fó bolsu estudu ba estudante sira ho kualifikasaun di’ak iha Fakuldade Enjeñaria Siénsia no Teknolojia iha Auditóriu (30/04).

Marcelo Soares, estudante bolseiru Departamentu Jeolojia no Petróleu, hateten ho ajudu ida ne’e bele hakbiit inan-aman sira-nia forsa ekonomia.

“Ha’u hein katak ho ajudu bolsu estudu ne’e, bele fasilita ha’u hodi responde ba nesesidade sira ne’ebé presiza relasiona ho prosesu aprendizajen nian no atividade eskolár nian”, hatutan estudante ne’e.

Bolseiru ne’e mós husu ba estudante hirak ne’ebé la hetan oportunidade ne’e atu labele lakon leet vontade no badinas estuda nafatin, bainhira iha futuru bele hetan mós oportunidade hanesan ne’e.

Relasiona ho serimónia entrega subsídiu-bolsu estudu ne’e, Dekanu Fakuldade Enjeñaria agradese ba ba Governu Japaun liuhusi nia Ajénsia  OGFICE tanba bele ajuda ona fakuldade ne’e ho tipu ajudu oioin.

Iha tinan 2014, oferese bolsu estudu ba estudante nain 20 husi Fakuldade Enjeñaria Siénsia i Teknolojia husi UNTL, OGFICE mós fó treinamentu kurtu prazu ba dosente nain 2 husi fakuldade refere iha Japaun kona-ba peskiza iha área enjeñaria.

Kompañia Osaka Gás harii ona OGFICE iha 1992 atu fó entendimentu no amizade entre Japaun no nasaun sira iha Sudeste Aziatiku ne’ebé prodús gás naturál. Dezde tinan 1992, bolsa estudu ne’ebé OGFICE oferese besik ona millaun $ 3.82. 

Mapa Local FECT



Pagina Facebook


Ba Leten