|
|
Fakuldade Enjeñaria, Siensia no Teknolojia, liu husi departamentu Enjeñaria Mekánika realiza aktividade seminariu ho tema ” Papel Enjeñaria Mekanika ba Dezenvolvimentu Nacional”. Iha seminariu ida ne’e, marka prezensa husi orador nain ha’at ne’ebe mai husi Institusaun governu nian hanesan, Direcao Nacional Saneamento e Agua (DNSA), ne’ebe koalia kona-ba Plano estratejiku ba dezenvolvimentu be’e mo’os iha Timor Leste, Ministerio Comercio e Industria (MCI), ne’ebe koalia kona-ba Alterasaun klimatika, Estratejia no Tekniku hodi dezenvolve Industria iha Timor Leste, Secretaria do Estado Formacao Professional e Emprego (SEFOPE), koalia kona-ba Estratejia Formasaun no kapasitasaun Rekursu Umanu iha Timor Leste ba dezenvolvimentu Nasional, no orador ida seluk mai husi Docente UNTL, Faculdade Enjeñaria, Siensia no Teknolojia, Departamentu Mekánika, Dr. Junior Raimundu da Cruz. ne’ebe koalia kona-ba “ Utiliza fugaun oliu uzadu no nia inpaktu ba ambiental.
Hatan ba perguntas husi Media Faculdade Enjeñaria, Siensia no Teknolojia (FECT) kona-ba inportansia husi realizasaun aktividade ida ne,e?
Reprezentante husi estudante departamentu Enjeñaria Mekanika hanesan mos partesipante Renocência Baptista dos santos, hateten katak: Aktividade seminariu ida ne’e inportante tebes ba ami, tanba ami bele hatene no komprende diak liu tan kona-ba papel hanesan Enjiñeiro Mekanika iha ita nia rain(Timor Leste). Importansia ida mos mak seminariu ho tema hirak ne’e, bele loke ami nia hanoin no koñesimentu atu nune’e ami bele esforsu no dedika ami nia-an ba estudu hodi nune’e ba futuru bele sai Enjiñeiro/a ida ne’ebe util ba ita nia rain. Ne’eduni iha aktividade ida ne’e mos hetan partisipasaun masimu husi estudante departamentu Enjeñaria Mekanika, direitor departamentu Enjeñaria Mekanika ho nia estrutura inklui mos ho docente sira.
