Hasae Konesimentu Estudante Liu Husi Seminariu Resultadu Peskiza Finalista Departamento Engenharia Civil

Iha seminario ida ne’e hetan partisipasaun maxímo husi Estudantes no Docentes departamento ne’e rasik, hodi fó sira nia kontribuisaun no sucessu ba programa ne’ebe Dep. planeadu ona. Alénde ida ne’e Vise Decano I Assunto Akademika aktualmente hanesan Docente Dep. Engenharia Civil hato’o mos parabens ba Diretor Departamento Eng. Civil ,  Docentes no Komisaun organizadora tamba pela primeira vez bele oraniza seminario importante ida ne’e iha nivel Departamento, maske hetan desafius oi-oin . Maibe  espera katak ba futuro sei organiza diak liu tan. Nune’e mos husu ba estudantes hotu-hotu atu bele kontribui no kopera hamutuk hodi bele seminariu ne’e la’o diak nune’e mos husu ba  Departamento atu tau programa ne’e hanesan programa anual ba Dep. Eng. Civil.

Komisaun Organizadora mos hatutan liu tan katak ho realizasaun ba seminariu ne’e hetan apoiu orsamento husi Estudantes ativu,Finalista, Docentes sira nia departamento  rasik. Prezidente komisaun organidora mos salienta liu tan katak atividade seminariu ne’e, orador sei mai husi estudantes Finalista ne’ebe hala’o ona ezame  teze ou ezame final,

objetivu husi seminariu ne’e estudante finalista sira  bele fahe esperensia ne’ebe sira hetan  iha area estudo ba alin estudantes semester tuir mai, nunne’e mos estudante finalista sira molok husik Departamento, sira hakarak simu mensajen ikus husi sira nia docente sira hanesan bukaen ida ba sira atu bele la’o ba oin. Tuir mai Diretor Departamento Engenharia Civil hala’o lansamento abertura ba seminariu loron ohin iha kampus hera, iha nia diskursu hateten katak Departamento pronto atu kontribui kualker atividade ne’e hala’o   iha departamento civil, maibe kualker atividade ida ita tenke iha liña kordenasaun diak. tamba atividade ne’ebe mak hala’o ne’e importante ba estudantes sira oinsa atu bele aumenta estudantes sira nia koñesimento no kapasidade iha sira nia estudu hodi bele desemvolve departamento no fakuldade ba iha futuro. Diretor departamento mos salienta liu tan katak ojetivu husi seminariu ne’e hanesan sasukat ida atu hatene kolheta ne’ebe sira produz ninia  kualidade kapasidade. Orador hirak ne’ebe mak atu hato’o sira nia aprezentasaun mak hanesan tuir mai ne’e;

1. José F. Gusmão sei apresenta Titulu Monografia “Topografia” tuir peskiza nia foti  atu halo levantamento de dados konaba kapela Liquiça hodi dezeñu mapa iha fatin ne’ebe pesquiza ba.
2. Nelia Ximenes sei apresenta Titulu Monografia “Gestaun Monitoriamento no Kontrolu Obras Publika iha TL”, atu bele garantia kualidade ba projetu ne’ebe kompanha sira halo.
3. Elfrido Elias Tita sei apresenta Titulu Monografia”‘Evaluasaun Performansia” iha nia peskiza ida ne’e oinsa atu hare konaba edifisiu iha TL wainhira mosu rai nakdoko.
4. Beatriz de Xavo sei apresenta Titulu Monografia “Investigasaun da Rexistensia da Flexão de Pavimento”, iha nia peskiza halai liu ba oinsa atu hare konaba Estrada ne’ebe a’at.
5. Elizar G.I. Ximenes sei apresenta Titulu Monografia “Kalkulasaun Dimensional Sekundaria Irigasaun Iha Posto Administrativa Vemasse”, atu kualia konaba Irigasaun entaun ita sei kualia konaba  oinsa mak ita bele halo kanalizasaun bé ba Natar ka bé ba fatin ne’ebe mak ita presiza.

Tuir orador José F. Gusmão iha nia intervista hateten katak nia sente orgulho teb-tebes tamba momento ida ne’e intersante no oportunu tebes ba nia atu apresenta tuir saida nia aprende no nia hatene  atu motiva no esforsu maka’as liu tan atu bele konpete iha merkadu trabalho.

Iha biban ida ne’e mos Dekano FECT mos marka prezensa iha fatin refere, iha nia palestra hateten katak atividade ida ne’e pertinente no apresia teb-tebes ho apresentasaun ne’ebe kapaz tebes, bele dehan katak estudantes hirak ne’e bele Kompete iha future, No mos tau aktividade ne’e planu Fakuldade  ba iha futuro. (hateten Decano FECT)