|
|
Hera 30/06/2016, Departamentu Electrica no Electronica organiza Ceremonia Kalan amizade ho “ Tema : Hamutuk ita Dezemvolve no kapasita án iha Departamentu Engenharia Electrica no Electronica FECT-UNTL”. Iha seremonia ne’e hetan partisipasaun maxímo husi Estudantes no Docentes departamentu rasik, hodi fó sira nia kontribuisaun no sucessu ba programa ne’ebe komisaum organizadora ho Dep. planeadu ona, objetivu husi seremonia kalan amizade ne’e maka, oinsa estudantes no Docentes sira bele koñese malu no toman malu diak liu tan nune’e kria relasaun amizade no Fraternidade iha sira nia Dep. Electrica no Electronika.
Alénde ida ne’e sei iha tan seremonia ne’ebe importante mak, husik estudantes Finalista ba halo KKN/ Estajiu iha fatin ne’ebe Docentes sira survey ona, nune’e mos estudantes Semester 7 sei entrega tasa Engenharia CUP ba Deprtamentu. Ir. Xisto C. Ximenes hanesan sefi komisaun organizadora kontenti ho atividade ne’ebe hala’o, tamba hetan apoiu orsamentu mai husi sira nia kas, nune’e mos kontribuisaun orsamentu husi estudantes no Docentes Departamento rasik hodi realiza seremonia ida ne’e, hateten Ir. Xisto C. Ximenes. Vise Decano IV Assunto Koperasaun no peskiza aktualmente hanesan Docente Engenharia Eletrica Electronica hato’o mos para bens ba Diretor Departamento, no Komisaun organizadora bele oraniza seremonia kalan amizade ida ne’e iha nivel Departamento, liu-liu estudantes Finalista ne’ebe atu hala’o KKN/Estajiu relasiona ho sira nia estudu ne’ebe mak hetan iha departamentu ida ne’e, atu hakle’an koñesimentu teoria durante sira hetan iha Universidade, tamba ne’e KKN/Estajiu hanesan mos estudu pratika ida ba estudantes finalista sira hodi bele kompleta estudantes sira nia teoria ne’ebe hetan iha processu apredisazen. nu’udar estudantes Universitariu iha tres (3) pilares ne’ebe importante atu ita hala’o mak hanesan : 1. Akademia 2. Peskiza 3. Dedikasaun ba Komunidade, pilar ne’ebe ita atu hala’o mak Dedikasaun ba komunidade Ruben Jeronimo Freitas hatutan lia hirak ne’e iha (FECT Hera 30/06/2016).
Diretor Departamentu Electrica no Elektronika hato’o agradece wain ba komisaun organizadora no Núkleu Dep. Ho servisu maka’as hodi realiza seremonia ne’e maske hetan desafius oi-oin maibe ita iha liña kordesaun ne’ebe diak to’o ohin ita bele halibur iha fatin ida ne’e. Sr. JBR hateten tuir lolos atividade kalan amizade ne’e halo wainhira orientasaun hotu ita hala’o ona, maibe laiha buat ida, ita bele hadi’a iha tempu oin mai, Diretor Dep. Hatutan liu tan konaba estudantes sira ne’ebe atu bá hala’o KKN/ estajiu sei aranka iha dia 4 de Jullo 2016, fatin ne’ebe Dep. Deside mak Maliana ho Lospalos Luro.
Entre tantu Kordenador Teze apresia ho atividade kalan Amizade ida ne’e bele halibur ita hotu iha fatin akadimiku hodi kria ambiente ne’ebe harmonia iha Dep. Elektrika no Elektronika atu ita hamutuk soke maka’as liu tan, Koordenador Teze Câncio Monteiro Ph.D. hateten katak KKN ne’e hanesan parte ida husi estudantes sira nia estudu ho nia objetivu mak estudantes sira servisu hamutuk ho kumunidade, atu buka hatene klean liu tan saida mak komunidade sira infrenta, tamba ita nu’udar estudantes iha pilar tolu ne’ebe importante mak :Akademia, Peskiza, no Dedikasaun ba Komunidade. Iha biban ida ne’e Koordenador Teze hakarak sujere liu-liu ba estudantes Esgiadu/ KKN sira katak prepara a’an didiak wainhira atu ba iha komunidade sira nia le’et, iha buat tolu ne’ebe importante ba imi mak : Prepara Atetude, Pasensia, no Vontade, buat tolu ne’e hanesan indikador ida, tamba ne’e presiza tau atensaun masimu, komunidade sira laiha konhesimentu atu avalia imi maibe sira sei avalia imi liu husi imi nia atitude imi nia kualia no imi nia expressa Koordenador Teze Hateten lia hirak ne’e iha Ofesina Dep. Electrica no Electronica Hera.(#lobo)
Hera 30 de Juñu de 2016
