|
|
Terça-Feira (02 Agustu 2016), Reuniaun Reguler chefia FECT halao’o ohin loron iha Hera ne’ebe partisipa husi Dekanu, vice Dekanu, chefe departamentu husi departamentu lima ne’ebe eziste iha FECT no mos staff administrasaun. Ajenda ba sorumutu loron ohin nian mak koalia kona ba Karta FECT ba Conselho Geral, Estudante transferesia Geolojia no Informatica, Staff foun no Planu manutensaun lab, Bolsu estudu husi JICA, Ezekusaun orsamentu FECT no ikus liu maka Lista prejensa Dosentes Materias Gerais.
Bazeia ba ajenda iha leten Vise dekanu assuntu administrasaun no finansas sr. Justino da Costa Soares, M.eng foka liu ba karta ne’ebe hato’o ba Conselo geral kona ba problema no preukupasaun kona ba Bomba Be’e ne’ebe suplai ba FECT ho kondisaun a’at durante fulan hat(4) ona , Asrama Hera ne’ebe halo ona reabilitasaun maibe seidauk bele utiliza no mos kona assitensia Asrama husi congregasaun CMM ho reitor cessante halo ona kooperasaun no orsamentu preve ona maibe to’o agora estudante sira seidauk hela no uja fatin refere.
Kona ba asuntu estudante transferencia Geologia no Informatika nian vice dekanu assuntu akademiku Sr. Paulo Da Silva, M.eng esplika katak iha estudante transferensia nain rua ne’ebe maka sai nudar estudante illegal, husi informatika nian estudante ne’e halo trasferensia ba Faculdade Direitu iha semester 7 maibe nia naran ka lista prejensa ne’e sei iha departamentu informatika no estudante Geologia nia naran sai nudar estudante UNTL maibe nia la rejistu iha administrasaun UNTL tamba ne’e estudante nain rua ne’e katergoria ba estudante Ilegal. Ofisilamente iha enkontru ida ne sr. Dekanu entrega Staff tekniku profosional administrative ba departamentu ba ida-idak nia departamentu hodi koopera servisu hamutuk hodi fo susesu ba FECT, UNTL.
Asuntu kona ba ezekusaun orsamentu maka iha biban ida ne’e Sr. Agapito nudar Chefe Adminstrasaun FECT hatoo kona ba ezekusaun orsamentu iha FECT 2016 kategoria Bens no servisu no mos Total orsamentu 2016 alokadu sentralizadu no desentralijadu, total orsamnetu ne’ebe ita ezekuta ona ho total 41,% no orsamentu ne’ebe sei restu no seidauk ezekuta maka total 57,4%. CHefe administrasaun mos akresenta liu katak agora dadaun departamentu Mekanika sira ezekuta ona orsamentu mil i tal ona tamba ne’e husu ba departamentu Geologia no Informatika ne’ebe la dauk utiliza orsamnetu ne’e atu bele hatama sira nia proposta depois maka restu sei aloka ba departamentu Mekanika. Nune’e mos Sr. Dekanu FECT sublina liu tan katak ba planu ezekusaun orsamnetu husi Fakuldade no Departamentu mak la ezekuta htu ofisilamente Sr. dekanu sei oferese fila fali ba Departamentu ka Asosiasaun sira ne’ebe presija atu nune’e bele halo aktividade hanesan seminario, Workshop ka Desportu iha Nivel Fakuldade ka Departamentu.
Hera 2 de Agusto 2016
