CADAFEST 2 Project Management and Monitoring Mission

Sexta feira (12/08/2016)- Sorumutu entre representante JICA , Dosente Informatika husi Universidade Gifu  (Japaun) ho Decanu FECT no Estrutura no mos Chefe Departamentu Informatika no Dosentes Informatika sira hotu ne’ebe koalia kona ba  CADAFEST2 Project Management and Monitoring Mission. Molok atu  koalia ba Asuntu enkontru nian  Eng. Mariano Renato Monteiro da Cruz, M.Eng nu’udar Dekanu FECT fo konesimentu pesoal no mos introduz estrutura sira no Dosente sira ne’ebe mak marka prejensa iha enkontru ida ne’e ba Komitiva sira husi Japaun no mos  Membrus Japaun nian ba missaun  ida ne’e maka alista iha tabela tuir mai ne’e:

No assuntu ba  aktividade durante missaun ida ne’e maka hanesan:

• Sei halao enkontru ho ezekutivu UNTL nian atu komfirma fila fali  kona ba visaun jeral ba projeto bazeia ba PDM&PO no explika detail misaun nian,.
•  Sei halao enkontru ho Staff Akademiku Informatica UNTL, sei esplika detailu visaun jeral ba projeto bazeia ba PDM&PO no sei koalia kona ba pedido husi Informatica UNTL kona ba projetu  ba konsiderasaun planejamentu projetu nian.
• Enkontru hamutuk  entre Membru Misaun Informatica ho  Informatica UNTL, Kompania Privadu, NGO no sei halo kolekta informasaun ba planejamentu projetu. Enkontru ne sei lidera husi Membru Misaun Informatica Gifu University.
• Jere papel teste  no interview ba kandidatu seleksionadu atu tuir treinamentu tempu naruk iha Japaun (Long-Term Training)
• Sei fallow up rejumu  planejamentu projetu husi Membru Misaun Informatica (Gifu Univ.)  ba Informatica UNTL.
•   Verifika  status husi rezumu peskija nian no automasaun eskritorio husi avaliasaun klasse/ manajementu klasse iha Informatica UNTL.
• Verifika  item 3 ne’ebe Consultation Mission Team husu ba Informatica UNTL atu Hare’e hela iha fulan Marsu.
• Bazeia ba koleksaun informasaun husi Informatika UNTL no sira seluk,  ne’ebe propoe planu projetu ba Informatika UNTL.

Aleinde ne’e Eng Mariano  mos hato’o nia sentimentu kontenti kona ba JICA nia vijitasaun mai iha FECT  no mos kona ba Programa CADAFEST nian.  Iha enkontru ida ne’e Decanu FECT hato’o mos kona ba informasaun bolsu de estudu ba Dosente sira ne’ebe atu ba hala’o estudu iha Japaun atu hatama dokumentus, no ohin hanesan loron ikus atu hatama dokumentus maibe dosente sira iha aktividade barak tamba ne’e husu atu prolonga tan loron ba hatama dokumentus nian. Iha parte seluk hato’o mos aktividade ka projetu sira ne’ebe Departamentu Informatica hala’o ona hanesan Kria Sistema Jestaun ba kama Iha Hospital Nasional Guido Valadares (HNGV), kria website  ba Primeira Dama RDTL , no mos  kona ba kompetisaun nivel Universitaria sira ne’ebe tuir husi Estudante Departamentu Informatika no sai hanesan 3^o lugar ba kompetisaun Dahuluk  ICT/TIK  no 1^o  lugar ba kompetisaun Darua no Datolu ICT/TIK nian. Tuir informasaun relasaun ho dosente informatika no estudante sira iha experiencia no agora dadaun halo ona Sistema Akademika Online ne’ebe utilija ona husi FECT.

“Ami rekruta ona estudante nain 14 husi ami nia Fakuldade rasik no aloka fali nain 2 ba laboratorium kada departamentu nian atu nune’e sira bele tau matan no organija sasan sira ne’ebe JICA fo ona mai iha FECTno nain 4 ba IT & Media Fakuldade nian atu Kria Website ba FECT no mos fo sai informasaun ne’ebe akontese iha Fakuldade laran. Tamba ho razaun atu promove estudante sira nia matenek duke selu ema husi estranjeiru atu halo website, no iha plano ba oin ami hakarak website UNTL nia kaer husi ami nia Departamentu Informatika.” Hatutan Eng. Mariano ba komitiva sira husi JICA no Gifu University iha Sala Enkontru FECT, Hera.

 Iha parte seluk komitiva sira husi Japaun mos husu atu apresenta kandidatu scholarship long- term nian husi dosente Informatica nian mak hanesan dosente Vosco Pereira,ST no Frederico Soares Cabral,S.Kom , maibe iha enkontru ida ne’e la marka prejensa husi Dosente Frederico tamba sei halo hela viajen ba liur. No komitiva sira mos husu kandidatu ba Short-Term edukasaun nian iha Japaun, konvida no provide sira kona ba kontextu edukasaun no kooperasaun nian. Dosente sira husi Gifu University mos husu ba Kandidatu sira atu komprende malu kona ba Research  no husu atu bele halo kominikasaun ho diak.

Iha futuru sei halo mos MOU(Memorandun of Understanding) entre Gifu University ho Faculdade Engenharia, ciencia e Tecnologia, UNTL. Alein de ne’e  Mr. Hidekazu FUKAI husi Gifu University mos hakarak atu hare’e kona ba Sistema Jestaun Kama ba HNGV no mos Sistema sira seluk ne’ebe kria husi estudante Departamentu Informatika noa hakarak hatene se mak sai admin ba sistema sira ne’e.

Hato’o mos apresentasaun  husi Mr. Satoshi TAMURA (Gifu University) kona ba nia research “Multi-Modal Speech Recognition (A State-Of-The-Art Method using speech and Lips Images ) ” ba dosente sira husi departamentu Informatica.

No ikus liu maka fo prejente ka Memoria husi Komitiva Japaun nian ba Decanu FECT no mos ba Dosente Departamentu Informatika nian.  

(Lucia)