Reuniaun Regular Chefia FECT

Tersa – Feira (16 Agustu 2016), Fakuldade Engenharia halao Reuniaun regular iha hera, ne’ebe chefia husi Dekano FECT ,no hetan partisipasaun masimu husi Vice Dekano, Director departamentos, representante Fakuldade iha membru Conselho Geral UNTL  no  mos staff administrasaun. Agenda ba enkontru ida nee mak sei koalia kona ba Informasaun husi Dekano mak hanesan Email UNTL, Bolso Estudu JICA, no Plano dosenti kada area: e koalia mos kona ba Establishment of Cooperration Unit.

Bazeia ba agenda iha leten Dekano mensiona ba staff  hotu – hotu atu bele utiliza ou uza email hodi nune’e staff sira bele hetan informasaun nebe’e mak iha, liu husi sistema nebe’e mak agora dadaun kria ona iha ita nia faculdade, nune’e mos tuir inforrmasaun husi Sr.Decano kona ba bolso estudu JICA nian katak JICA sira ladun senti kontente tamba ema uituan deit mak applay ba bolsu estudu ida  ne’e. Tuir informasaun kada departamento nebe’e mak kandidatu nia ema mak hanesan tuir mai ne’e :

Kona ba assuntu plano dosenti kada area Sr. Dekano informa katak plano ba tinan oin nian mak hanesan depatamento ida-idak tenki hatama lista naran docente sira nian ba plano rua hodi tau ba website e no mos plano ba 2020 kona ba Faculty plan atu bele hateneTotal Docentes, Staff,Estdantes, Sala de Aula,no Laboratorium sll.

Assuntu kona ba Establishment of Cooperation Unit, maka iha biban ida ne’e Vice Dekano Assunto Cooperasaun no Peskiza Sr. Ruben J.Freitas, ST.M.Eng hato’o kona ba Missaun JICA tinan kotuk nebe’e mak husik hela estabelese unidade koperasaun nian. Estabelese kopeasaun nian iha xavi rua (2), mak hanesan peskiza no mos educasaun, objective husi unidade kooperasaun nian mak fo korajen aktividades FECT, nomos koalia kona ba lista reprezentante husi departamento sira kona ba Establishment of Cooperation Unit.

Kona ba assuntu seluk husi agenda nebe’e mak iha maka iha biban ida nee mos Vice Dekano Assuntu Akademiku Sr. Paulo da silva, M.eng hateten katak informasaun ruma nebe’e mak fo sai ona ou fo hatene ba Diector departamento hotu maibe narealidade laiha ida mak atu halo. E nune’e mos Vice Dekano Assunto Administrasaun no Finansas Sr.Justino da costa soares, M.eng husu ba Dekano atu koalia mos kona ba staff foun sira atu bele sai permanente iha tinan 2017 iha biban ida ne’e Dekano mos mensiona tia ona katak ema nebe’e mak atu tama ba permanente iha 2017 nian.

Iha enkontru ida ne’e Dekano mensiona mos ba Director departamento sira atu halo aktividade seminar ruma tamba orsamento 2016 nian sei iha, tamba ne’e husu ba Departamento sira iha tempu badak nia laran realize netik seminario ruma.