|
Cinque Terre

Dies Natalis (NEEI-UNTL) Ba Dala II

Hera (12/09/2016)- Departamento Informatika Selebra Dies Natalis Nucleo Estudante Engenharia Informatica ne’ebe habadak ho naran (NEEI-UNTL) ba dala rua (2) nian, ho TEMA : UTILIZASAUN MEDIA SOSIAL BA APLIKASAUN ANDROID NO E- GOVERNAMENT IHA TIMOR LESTE. Iha Selebrasaun ida ne’e hetan partisipasaun masimu husi Estrutura Departamento,Corpu Docentes no estudandantes departamento rasik hodi festeza hamutuk iha Aniversariu Nucleo Dep. ninian.

Iha Aniversariu Nucleo nian ba tinan ida ne’e Dep. Informatika konvida mos Peritos balun ne’ebe hola parte sai hanesan Orador hodi fahe esperensia ba Estudantes Departamento Informatika konaba oinsa atu uza Teknologia Informasaun,. Iha oportunidade ida ne’e Sr. Guilermino hanesan Orador sei aprezenta konaba Utilizasaun Media Sosial ba Aplikasaun ANDROID No E-Governament iha TL, oinsa atu utilize hodi hafasil ita halo servisu, Negosiu no seluk tan, Teknologia ohin loron avansadu teb-tebes ita presija estuda hodi bele utilize ho diak atu bele dezemvolve ita nia a’an no mos ita nia Nasaun rasik. Liu husi seminariu no aprezentasaun ida ne’e hetan antuziasmu makas husi estudante Departamento no Docente Dep.Informatika hodi hato’o sira nia perguntas relasiona ho aprezentasaun ne’e, Adjunto Diretor Dep. Informatika propoen :” aprezentasaun orador plano social ne’ebe  sira iha, bele enkaixa mos ami, tamba tinan tinan ami nia estudantes mos sei halo servisu social iha komunidade sira nia le’et”.  

 Iha biban ida ne’e mos Sr. Guilermino akrecenta liu tan katak Dep. informatika iha ona Nucleo, tamba ne’e husu para atu bele kria tan Grupu balun iha Nucleo nia laran atu bele hafasil ita bo’ot sira hodi dezemvolve diak liu tan ita bot nia area, Nune’e mos Sr. Guilermino lahaluhan husu ba Nucleo Dep. Informatika atu bele delega hela ema nain rua atu bele partisipa iha kursu ne’ebe loke iha sira nia Diresaun. Entre tanto iha fatin hanesan orador segundu  ho naran Joel J. Dillak ne’e be  aprezenta materia konaba Virtualizasaun, tuir aprezentasaun orador katak virtualizasaun hanesan simulasaun ida hodi garantia ba kapasidade komputador,nune’e hafasil ita atu bele utiliza, depois de aprezentasaun kontinua kedan ba iha pratika laboratorium atu fasilmente estudantes sira bele intende ho diak liu tan.

 Sr. Frederico Soares Cabral  hanesan Docente Dep. Informatika hateten katak maske preparasaun ne’ebe simples, espera katak ba futuru ita bele hadia diak liu tan.  Tuir informasaun estudantes Dep. Informatika hateten katak loron ida ne,e hanesan loron especial ba departamento informatika no liu-liu Nucleo ne’ebe hamahan a’an iha Dep. liu husi inisiativa Docentes no estudantes nia hanoin hodi forma Nucleo ida iha sira nia Dep. rasik, Nucleo ne’e mos Fasilita no oferese ona buat barak ba estudantes no Departamento informatika liu husi konservasaun hanoin intelektual sira nian, ho partisipasaun iha Eventu oi-oin ne’ebe konsegue lori Estudantes,Departamento no Fakuldade hodi hatudu ba Publiku atravez husi Kreatividade Estudantes nian no hetan Suportasaun masimu husi Docentes,estrutura Departamento no Apoiu mos husi Fakuldade Engenharia, ciência e Tecnologia.

Alende ne’e NEEI sei entrega sertifikadu no taxa partisipasaun ba eventu Expozisaun ICT hetan Apresiasaun Sertifikadu ida ba partisipantes sira ne’ebe lori Dep. nia naran, eventu IPDC CUP  hetan 3 Lugar, Departamento sei entrega mos Sertifiksdu Apresiasaun ba Orador ne’ebe husik tempu atu mai fahe ninia esperensia ba Dep. ne’e rasik hodi hatudu simbolu amizade metin nafatin. Partisipasaun  ba eventu ida ne’e Cefi Nucleo hateten katak ba prezenti hirak ne’ebe Nucleo hetan sei entrega ba iha Departamento hanesan simbolu apresiasaun servisu ida ne’ebe Departamento husik ba Nucleo atu hala’o hodi tulun no reforsa liu tan Departamentu.

Mapa Local FECT



Pagina Facebook


Ba Leten