|
|
Hera (20/10/2016)- Ekipa acreditor Agência Nacional Para a Avaliação e Acreditação Academica (ANAAA) mai iha Faculdade Engenharia, Ciência e Tecnologia Hera (FECT) durante loron rua 20-21/10/2016 atu halo avaliasaun no kontaktu direitamente ho Faculdade no ba Departamentu Informatica kona ba kondisaun iha fatin refere.
Iha Abertura ne’e partisipa husi Reitor UNTL Prof. Dr. Francisco M. Martins.,Ph.D., Pro-Reitor dos Assuntus da Cooperação Prof.Dr. Eduardo Aniceto Serrão,Phd , Pro-Reitor dos Assuntos de Administração Planu e Finanças Jose Honorio da Costa Pereira Jeronimo, M.Si , Pró-Reitor dos Assuntos Académicos Marcos António Amaral, M.Ed.Mgmt , husi Ekipa ANAAA , Decano FECT, Vice Decano sira , Dosentes no mos staff FECT nian .
Iha abertura ne’e Reitor UNTL hato’o introdusaun badak kona ba Universidade, Faculdade , Departamentu, cooperasaun no mos assuntus ne’ebe mak relevante ho UNTL ba Ekipa ANAAA .
Tuir horario Ekipa ANAAA sei halo avalia durante loron rua ba Departamento Informatica. Iha loron primeiru depois de abertura Ekipa refere hala’o intervista ho Dosente informatica, estudante kada semester no mos Alumni husi DEI nian. Alemde ne’e ekipa mos hala’o vijita ba sala de aula no laboratorium sira.
Iha loron daruak sexta-feira(21/10/2016) ekipa sei kontinua hala’o enkontru ho Head of Study Program, IQA ne’ebe partisipa mos husi Decanu FECT , enkontru mos ho stakeholders sira hanesan Empresario sira, Networking Partner no mos alumni sira, tuir horario ne’ebe maka determina ona. No iha lorokraik sei ensera enkontru Husi Ekipa ANAAA kona ba apresentasaun konklujaun no rekomendasaun atu hadia husi painel de acreditasaun nian no mos resposta ba programa estudu kona ba conclusões no recomendações ne’ebe sei partisipa husi lideransa universitaria sira (Reitor, Vice reitor, Decano, Vice decano, conselho administacao,) Dosentes(permanente no parte tempu) no pessoal de apoio sira hotu.
