|
Cinque Terre

Enkontru Regular Chefia FECT

Hera, Tersa 24/01/2017- Sorumutu ne’ebe mak realiza iha Meeting Room Hera ho asuntu  koalia kona ba:

  • Rejumu Jeral OJE ba tinan 2017
  • Dokumentus sira ne’ebe preparadu husi JICA kona ba Uma foun nian.
  • Kontratu ba Funsionarius Kajuais
  • Planu husi Departamentu sira ba tinan 2017.
  • Aktividade Akademika

Iha enkontru ida nebe’e chefia husi Decanu FECT no mos partisipa husi Vice Dekanu sira, Chefe Departamentu, vise departamentu, staff administrasaun sira no mos Teknikus laboratorium no modera husi Sr. Mario Cabral. Depois de halo rejumu kona ba assuntu sira iha leten husi Decanu FECT tuir kedas ho apresentasaun husi VDII Sr. Justinu  kona ba finansas nian.

Vice Decano Assuntu Administrasaun Finansas Sr. Justino hala’o apresentasaun ba Rejumu Jeral ba alokasaun  orsamentu jeral estadu ba tinan 2017 ne’ebe koalia liu kona ba orsamentu ne’ebe desentraliza ba FECT. Proposta ne’ebe hatama husi FECT ba Universidade  hamutuk  $ 218.000 no montante ne’e bazeia ba proposta ne’ebe hatama husi kada departamentu atu hala’o sira nia atividade maibe orsamentu aprova  mak $ 47.000 ba proposta sira ne’ebe hatama. No Vice Decano mos esplika kona ba Alokasaun orsamentu  ne’ebe aprova ona atu nesesita ba programa sira ne’ebe sei hala’o durante tinan ida ne’e nia laran.

Hatan ba Assuntu segundu Sr. Domingos ne’ebe maka toma konta ba planu halo uma foun nian katak Dokumentos 7 husi JICA ne’e pronto ona no fo ona ba Fakuldade atu hare, no mos bazeia ba dokumntus Lisensa impaktu Ambiental nian ne’ebe hanesan kriteriu ida atu bele realiza uma foun ne’e hatama ona iha tinan 2013 iha diresaun ne’ebe relevante maibe laiha rejultadu no dada to tinan 2017 ho ida ne’e Sr.Domingos ho nia Team buka meius oinsa para atu bele hetan Lisensa ne’e, ho sira nia esforsu no servisu maka’as sra konsege hetan Lisensa ne’e durante loron 3 nia laran, ho ida ne’e sei hala’o tenderijasaun ba uma foun ne’e iha inisiu de Fevereiru tamba JICA nia regulamntu katak dokumentus lisensa ne’e laiha entaun sei la bele halo tenderijasaun ba edifisiu ne’e.

Kona ba kontratu kajuais nian Decano FECT hateten kona ba rejultadu enkontru  ho rekursus humanus no funsionarius kajuais sira iha Auditorium  Liceu katak kontratu ba sira sei too fulan 6 deit  bazeia ba orsamentu ne’ebe agora dadaun labele atu selu sira no atu kontinua too tinan 1.   Kona ba planu husi departamentu sira katak tenki halo planu ba tinan 2017 nian atu halo konkurusu publiku ba funsionarius regime especial.

 Iha asuntu tuir mai hatan husi Vice Decano I ba asuntus academic u aktual Sr. Paul ne’ebe fo informasaun kona ba Kalendariu  akademiku tinan akademiku 2017 nian katan antes ne’e iha ona circular husi universidade katak aula sei hahu iha dia 23/01  no tuir tan circular foun  despacho husi  Pro-Reitor hateten katak aula sei hahu iha dia 06/02 tamba ne’e aula sei hala’o tuir despacho Pro- Reitor nian.

No ikus liu maka koalia kona ba melhores estudante sira ne’ebe seleksionadu atu bele simu bolsu de estudu husi OSAKA GAS  no bolsa ida ne’e laos bolsa da mãe maibe bolsa ba estudante sira ne’ebe hetan valor diak, hateten husi Dakano FECT.

No antes atu taka enkontru Moderador fo tempu ba Chefe departementu 5 ne’ebe eziste iha FECT atu hato’o hela liafuan ruma no ba chefe departamentu  5 ne’e mensiona liu kona ba kalendariu akademika nian, kona ba disiplina transversais no mos transferesia interna no prosesu legaldade ba hakerek Trabalho Final do Cruso (TFC) nian.

 Hera,Tersa 24/01/2017 (Lucia)

 

Mapa Local FECT



Pagina Facebook


Visitores


Flag Counter

Ba Leten