|
Cinque Terre

Copa da Engenharia 2017-Hametin Liu Tan Estudante Sira NIa Espiritu Desportivu

Tersa (27/06/2017)- Ohin loron hanesan loron ne’ebe determinado ona atu realiza Copa da Engenharia iha Faculdade Engenharia, Ciencia e Tecnologia Hera. Tema ba Eventu ne’e maka :  “Ho Engenharia-Cup , Tinan Akademiku 2017, Hametin Liu Tan Estudante Sira Nia Espiritu Desportivu”

Copa da Engenharia sempre halao kada tinan ida dala ida maibe bazeia ba problema finanças afekta ba  eventu ne’e labele realiza  iha tinan kotuk no foin bele realiza fali iha tinan ida ne’e . No eventu nee realiza hetan suporta husi Universidade Nacional  Timor Lorosae(UNTL),  Componente Naval Da Forsa Defesa de Timor-Leste (FDTL), Kompania Pury Akrarya Unipessoal.Lda , Star King Unipessoal.Lda , kantin FECT-UNTL  Hera no mos Sr.Guilhermino Barros. No organiza husi xefe Senadu ho nia estrutura sira.

Tuir ajenda ne’ebe iha eventu ne’e sei loke iha loron ohin 27 de Junu 2017 tuku rua lokraik iha kampo futebol Hera.  Abertura ba Eventu ne’e loke husi Vice Decanu assuntus Akademiku Sr. Mario Cabral , ho sunu ahi hodi simboliza ba abertura iha eventu ne’e.  Programa ne’e partisipa husi estrutura faculdade Engenharia, Korpus dosentes, staff administrasaun, Komandante husi  componente Naval FDTL ho nia Membrus sira, no mos estudante FECT.

Primeiru equipa Futebol  ne’ebe mak sei joga iha abertura ne’e maka equipa husi Naval-FDTL hasoru Ekipa Staff FECT. No mos sei iha Ekipa seluk ne’ebe sei partisipa iha eventu ne’e . além de jogos Futebol sei iha mos jogos Voleibol  ne’ebe mak sei preenche iha eventu Copa de Engenharia tinan ida ne’e.

Mapa Local FECT



Pagina Facebook


Ba Leten