|
Cinque Terre

Dezenvolvimentu iha Departamentu Engenharia Civil ba Loron Ohin no Ba Futuru

Segunda (26/06/2017)- Departamentu Engenharia Civil hanesan departamentu ida ne’ebe  existe iha Faculdade Engenharia, Ciencia e Tecnologia Universidade Nacional Timor Lorosa’e nia okos. Ohin loron  departamento Civil hala’o actividade hanesan serimonia anual ne’ebe realiza loron 2 komesa dia 23 to’o 24 Junu 2017 iha kampus Hera no tema ba actividade ne’e maka “Dezenvolvimentu iha Departamentu Engenharia Civil ba Loron Ohin no Ba Futuru”.

Objektivu husi serimonia anual ne’e maka atu  promove estudante sira ne’ebe  mak melhoria iha sira nia hakerek trabalho final ne’ebe ho tema relevante ba nesecidade comunidade no utilizador sira nian. Além de ne’e ho aprejentasaun sira ne’ebe orador sira aprejenta bele motiva estudante semester  1 ate 7  atu nune’e sai hanesan bukae ba sira, no mos bele kria amizade no fraternidade entre alumni husi departamento Engenharia Civil ho nia dosente civil no mos estudante ativos sira.

Serimonia ne’ebe mak hala’o loron rua ne’e partisipa husi Deckanu FECT ho estrutura, korpus dosentes civil, reprejentante husi JICA , Alumni husi departamento Civil, estudantes aktivos sira. Iha programa ne’e hala’o mos seminário ne’ebe nia orador husi estudante finalista civil rasik neebe  passa ona ezame teze, ne’ebe sei aprejenta sira nia Traballo final do kursu.

Iha aprejentasaun ba loron dahuluk sei iha orador hamutuk nain 7 neebe mak mai husi departamento engenharia civil rasik hamutuk finalista nain 4 no alumni nain 3. Orador ba loron dahuluk mak hanesan tuir mai:

  • Eng. Aquino Vilde Acacio da Cruz ho nia topiku “Verifikasaun Kapasidade Estrutura Koluna no Fundasaun, kauza planu estrutura Adisional ba Edifisiu Dormitoriu Hera ”
  • Eng. Jose Fernando Gusmao  no Eng. Mariano Soares ho topiu “Levantamentu Topografia no Planeamentu Geometria Rodoviariu
  • Abel Fernandes ho topiku “Estudu Investigasaun Rai Mutin Lospalos no Vemasse nuudar Agregadu Fnu ba Mortar
  • Marta Imaculada de Araujo ho nia topiku “Analysis of using Material from Quary Hera-Mota Kiik (Timor General Development Group) For Foundation Layer Base Course Use Material Class A with especification Ministry of Public works transportation and communication Timor-Leste
  • Juel Manuel ho topiku “Analisa do Relevo da Ribeira de Comoro para a Construcao de uma pequena Barragem”
  • Luis Frederico ho topiku  “Planeamentu Alinamentu ba Geometria Dalan Dili-Ainaru Road Stage 1 STA 87+800-89+000” iha municipiu Ainaro.

Hirak nee maka naran no topiku neebe aprejenta iha loron dahuluk. Iha serimonia ba loron daruak sabadu 24 de Junu  2017 sei halao aprejentasaun husi Alumni Departamentu Engenharia  Civil rasik  no alumni sira mak hanesan tuir mai ne’e:

  • Eng. Octavio , moderador : Eng. Sergio Miguel Freitas ho nia topiku mak “Jestaun Supervisaun ba Projetu Infraesturtura iah Timor Leste
  • Eng. Amilcar, Moderador: Eng. Alfredo Ferreira, Msc ho Topiku mak “Jestaun Planeamnetu no Supervisaun iha Projetu
  • Eng. Aleixo dos Santos ho topiku “Jestaun  Implementasaun projetu iha Timor-Leste

 Alem de seminário iha mos actividade ne’ebe mak sei halibur hamutuk antigus alunus sira husi departamento engenharia Civil nian hodi forma Nukleu Antigus Alunus Departamentu Civil.  Actividade nee taka ho serimonia jantar hamutuk iha kampus Hera.

 

 

Mapa Local FECT



Pagina Facebook


Ba Leten