|
|
Sexta (25/08/2017)-Iha Steering Committee Meeting ba dala 4 ne’e hala’o iha Sala de enkontru hera ne’ebe partisipa husi Decanu Faculdade no estrutura , chefe departamentu sira no mos reprejentante JICA nian iha FECT no partisipa mos husi Professor Sakine no Ms. Mina SAKAKI ne’ebe mai husi Japaun atu follow up ba Projetu Cadafest Project Phase 2 nian iha FECT.
Iha enkontru ida ne’e modera husi Vice dekanu Assuntus Koperasaun Sr. Cancio Monteiro, Ph.D. depois de abertura husi moderador decanu Faculdade Enjenaria Mariano Renato Monteiro da Cruz, ST. M.Eng hatoo liafuan benvindu ba bainaka ne’ebe mai husi Japaun Prof Sakine no Ms.Mina SAKAKI , hato’o mos kona ba programa saída deit mak halo ona no mos programa sira ne’ebe sei halao iha futuru oin mai. dekanu mos hatutan tan katak kona ba JCC meeting ho Ministeriu Edukasaun no reprejentante Universidade sira atu bele envolve Diretores isra ba programa ne’e, alemde ne’e hato’o mos programa ne’ebe sei hala’o i sei husu mos ajuda ba governu ba buat balun ne’ebe mak ami presija iha programa ne’e. No hato’o mos mensajen ba membru hotu ne’ebe mak tuir enkontru ne’e atu bele tau atensaun no fo tempu ba enkontru ne’e atu nune’e bele atinji no hadiak realijasaun ba programa ne’e.
Enkontru nee mos iha aprejentasaun husi JICA Mr. Takahashi kona b agenda ne’ebe sei koalia iha enkontru ida ne’e, ajenda sira mak hanesan Horariu ba Evaluasaun ne’ebe komesa husi tinan 2016-20124, prestasaun ba outputs, fo sai mos porsentus husi rejultadu peskija empregadores sira nian kona ba alumni sira nia abilidade kona ba servisu nian liu husi dalan preenche kestionariu husi empregador sira ne’ebe alumni sira servisu ba, no ikus liu maka halo revijaun ba JCC meeting ne’ebe liu ba ne’ebe koalia liu kona ba numeru graduadus ba kada periudu husi kada departamentu iha FECT.No mos halo diskusaun kona ba ajenda sira ne’ebe mak mensiona iha leten atu bele hadiak liu tan Faculdade Engenharia ba futuru.
