|
Cinque Terre

Eleisaun Dekanu Foun Faculdade Engenharia, Ciencia eTecnologia ba Periodu 2017-2021

Segunda (11/09/2017)- Eleisaun ba Dekanu Faculdade Engenharia, Ciencia e Tecnologia ba Periodo 2017-2021 hala’o iha loron segunda 11 de setembru 2017 iha Sala Departamentu Civil no hetan partisipasaun maximu husi Dosentes Faculdade Engenharia, staff administrasaun, estudantes maibe bazeia ba Lei no Estatuta ne’ebe iha katak Eleisaun ba decano sei hili deit husi Dosentes sira tan nee staff administrasaun no estudante sira partisipa maibe la tuir votasaun tamba Lei ne’ebe iha la fo dalan.

Kandidatu ba Dekanu  mai husi kandidatu reprejentante departamentu tolu (3) iha Faculdade Engenharia, kandidatu  Departamentu Mekanika maka Eng. Paulino Marques Cabral, M.Eng, kandidatu Departamentu Elektronika  Dr. Ruben Jeronimo Freitas, no kandidatu Depratementu Civil mak Eng.Tomas Soares Xavier,Spd.M.Eng.

Molok ba Faze eleisaun kada kandidatu hala’o sira nia aprejentasaun ka kampaina ba sira nia programa ne’ebe mak sei realiza karik sira eleitu ba Sai dekanu iha FECT, hafoin de ne’e tama ba faze eleisaun dekanu ne’ebe liu husi votasaun husi dosentes FECT atu determina  kandidatu ida ne’ebe bele sai Dekanu ba FECT. Votos ne’ebe hetan husi kada kandidatu ba  eleisaun  primeiru parte maka: Eng. Paulino hetan votus 28=45% , Dr. Ruben hetan 21=34% no Eng.Tomas hetan  13=21% votus. Ho votus ne’ebe hetan husi Eng. Paulino no Dr.Ruben  kuaze la sees malu  tan ne’e komisaun organizadora eleisaun hala’o fali eleisaun ba segunda parte iha momentu no fatin ne’ebe hanesan no kandidatu ba segunda parte nian maka Eng. Paulino Marques Cabral, M.Eng no Dr. Ruben Jeronimo Freitas.

Kandidatu ne'ebe eleitu ba sai Dekanu iha Faculdade Engenharia, Ciencia e Tecnologia (FECT) maka Dr. Ruben Jeronimo Freitas manan ho votus 32=52% no kandidatu Eng. Paulino Marques Cabral, M.Eng ho deit votus 30=48%.

Dr. Ruben Jeronimo Freitas mak sai hanesan kandidatu eleitu ba Dekanu iha Faculdade Engenharia , Ciencia e Tecnologia period 2017-2021 hodi troka Dekanu anterior Eng. Mariano Renato Monteiro da Cruz,M.Eng.

 

Mapa Local FECT



Pagina Facebook


Ba Leten