|
|
Quinta (12/10/2017)-- AI3/SOI-Asia reuniaun konjutu anuais 2017 co-host husi UNESCO Eskritóriu Regional Gabinete ba Siensia Ázia Pasífiku, ho suporta husi Japanese Funds-in-Trust (JFIT) no Universidade Nasional Timor Lorosa’e (UNTL). Alem de ne’e tradisaun husi AI3/SOI-Asia nia ajenda enkontru maka iha sesaun special sei konduta atu diskute kona ba papel no maneira atu estabiliza no fortalese peskija nasional no redes ba Edukasaun (RENs).
Iha mos rekonesimentu ba importancia husi esperiensia integrasaun global nian ba kursu estudu traditional no promove estudantes graduadu sira ho “kompetensia global”. Maibe, kontextu espesifiku husi SIDS (Small Island Developing States)ho sira nia dezafiu espesifiku, inklui populasaun kiik maibe kontinua aumenta, peskiza ne’ebe limitadu, distansiamentu, suseptibilidadeba dezastre natural , vulnerabilidadeba xoke externu, no envairomentu ne’ebe frajil prexiza iha adaptasaun ba solusaun especialmente iha ICTs atu bele hato’o SDG 17. Integrasaun husi ICTs ho sistema konesimentu local no indijena (LINKS) bele sai hanesan ekipamentu ne’ebe efisiente ida ba personalizasaun pratika aktual hodi hato’o iha SDG 17 no SDG 13 bazeia ba distansiadu no vulnerabilidade especial husi SIDS ba mudansa klimatika. Sorumutu ida ne’e sai hanesan okajiaun ida atu diskute no halo dokumentasaun ba kampu ne’ebe posivel ba aplikasaun no rekomendasaun politika ba rejiaun no ba kontextu partikular iha Timor Leste. Klaru , iha Timor Leste hanesan SIDS , nasaun ida ne’ebe foun no nia dezenvolvimentu sei menus, fo impotancia liu ba LINKS bazeia ba STI bele sai hanesan instrumentu atu suspira dejafius dezenvolvimentu nian, aumenta rejiliensia ba impaktu mudansa klimatika hodi bele hamosu ajenda em jeral iha 2030.
Workshop rejional ba promosaun uju sistema konesimentu local no indijenus (LINKS) iha ICTs atu hato’o SDG 17 iha Timor Leste maka sei identifika posiblidade aplikasaun ba kampo ICTs nian relasiona ho SDG 13 no 17, halo rekomendasaun projetu politika ba posobilidade ICTs hanesan instrumentu forte ida atu bele hato’o iha ajenda 2030 no mos dalan rekomendasaun atu haforte estabelecimentu papel RENs iha TLREN partikularmente.
Workshop ne’e lolos realiza iha Dili maibe tamba iha dejastre naturais hanesan vulkanu akontese iha Bali Indonesia tan ne’e partisipante husi Asia nian labele atu mai too Dili ho nune’e workshop ne’e realiza fali iha Jakarta Indonesia no hetan partisipasaun husi nasaun Asia inklui Timor, reprejentante Timor ba tuir workshop iha Jakarta mak Sr. Bendito Freitas Ribeiro dosente iha Departamentu Engenaria Elektronika Fakuldade Enjenaria Siensia no Teknolojia Universidade Nasional Timor Lorosa’e (UNTL). Workshop ne’e komesa dia 12 to’o 14 Outobru 2017 iha Grand Kemang Hotel Jakarta, no iha Dili realiza iha dia 12 de Outobru deit liu husi media sosial Skype iha UN House Caicoli Dili.
Ajenda ba loron dahuluk 12 Outobru 2017 nian maka iha Jakarta hahu uma ora no iha Dili duas oras, no hahu ho estudu kaju ba oportunidade no papel LINKS nian ba politika STI iha DRR ba impaktu mitigasaun mudansa klimatika no sustetanbilidade ba dezenvolvimentu iha Timor Leste ne’ebe hato’o husi aprejentasaun DR. Antero Benedito da Silva Director ba Post Graduasaun ba Paz no estudu Konflitu, UNTL, tuir aprejentasaun segundu husi Sr. Zenito Santana , Director Instituisaun Kadalak Sulimutu no aprejentasaun terseiru husi UNESCO ne’ebe halo aktividade iha Timor kona ba politika STI no iha sesaun primeiru ne’e lidera husi UNESCO no UNTL.
Tuir fali mai iha sesaun abertura ba workshop nian iha aprejentasaun husi Prof Shahbaz Khan, Diretor no Representativu UNESCO nian ba Gabinete Regional Siensia ba Asia Pasifiku , Reitor UNTL Prof .Dr. Fransisco Miguel Martins, prof Jun Murai, Dekanu pos-graduasaun Media no Governansa, Universidade KEIO, SOI-Asia/AI3 no mos Sra. Cedelizia dos Santos hanesan OIC ba komisaun nasional Timor Leste ba UNESCO, lidera husi Prof Shahbaz, Prof Murai no Prof Keiko. No ba sesaun ikus iha loron primeiru nian maka iha sesaun Panel diskusaun kona ba “Lesson Learnt from current management of Timor Leste RENs and how to strengthen TLREN” , ho tema refere maka sei iha aprejentasaun husi speaker sira mak hanesan husi Dr. Jose Lay Asesor senior ba Ajencia Nasional Komunikasaun(ANC) , Dr. David Mantalvao husi gabinete Primeiru Ministru Timor Leste, no Panelist nain tolu husi SOI-Asia no ikus ba sesaun nee maka sei iha panel diskusaun .
Iha workshop ida ne’e hala’o iha fatin rua ho tempu ne’ebe hanesan iha Jakarta Indonesia no mos Dili Timor Leste , ho teknolojia ne’ebe komesa avansadu bele hala’o enkontru liu husi Media Sosial Internet hanesan Skype. Workshop nee halao durante loron tolu.
