|
|
Sabadu(21/10/2017)-Departamentu Enjenaria Elektronika Elektrika no Elektrika (DEEE) hanesan departamentu ida ne’ebe hamahan aan iha Fakuldade Enjenaria siensia no Teknolojia UNTL ohin loron halao sorumutu entre Alumni DEEE no mos ho stakeholder sira, no Tema ba sorumutu ne’e maka “Liu husi Sorumutu Alumni & Stakeholder, Hamutuk Halibur Kbiit hodi hametin Papel Enjenaria Elektronika no Elektrika iha Dezenvolvimentu Nasional” , aktividade ne’e hetan suporta husi JICA no realiza iha Kampus hera.
Iha Sorumutu ne’e loke ho Hananu Hino Nasional no Marsa UNTL husi koru Fakuldade Enjenaria, molok atu tama ba asuntu sira ne’ebe sei halao iha aktividade ne’e. Iha Asuntu rua ne’ebe maka sei realiza iha sorumutu ne’e, hanesan asuntu dahuluk maka sei iha Seminariu husi orador sira husi oras 09:00htl to 12:00htl no asuntu segundu maka sei harii estrutura alumni DEEE nian komesa husi 14:00htl to remata.
Molok atu tama ba asuntu dahuluk Dekanu Fakuldade Enjenaria Siensia no Teknolojia Dr.Ruben Jeronimo Freitas sei hato’o liafuan abertura molok halao seminariu husi orador sira, “Liu husi sorumutu ida ne’e ba alumni sira ne’ebe eleitu karik ba oin hau husu atu ita bele servisu hamutuk hodi bele buka tuir dadus alumni ne’ebe servisu ona, servisu tuir sira nia area ka lae, ho ida nee bele fo feedback mai Fakuldade no Departamentu atu bele hadia prosesu aprendijajen nunee iha future bele fo edukasaun ne’ebe kualidade ba estudante sira ” Hateten Dekanu.
iha seminariu dahuluk hato’o husi Dr. Samuel Dekanu Fakuldade Siensia Ezata UNTL ho tema “Oportunidade no Dejafius Rekursus Humanus iha Timor Leste agora no ba Futuru” no Modera husi Dr. Cancio Freitas hanesan Vice decanu IV FECT no Dosente iha DEEE. No Seminariu daruak hato’o husi Dr. Edmundo Viegas hanesan Direktor Ezekutivu ba Agencia Nasional para a Avaliação e Acreditação Academica (ANAAA) ho tema “A Avaliação e Acreditação do Ensino Superior e a Educação Baseada no Resultados” Modera husi Eng. Frederico de Carvalho Dosente DEEE.
Ba Asuntu daruak nian maka sei iha aktividade hanesan diskute kona ba estatutu Alumni DEEE, Forma estrutura Alumni hafoin halo eleisaun no Tomada de posse ba Kandidatu eleitu.
