|
|
Quinta(26/10/2017)-Japaun hanesan nasaun ida ne’ebe kontribui tebes ba dezenvolvimentu nasaun Timor Leste nian iha área oioin liu husi nia aJensia kooperasaun Japan International Cooperation Agency (JICA).
Enbaxador Foun Japaun Sr. Hiroshi Minami ohin loron mai hala’o Vijita iha Kampus Hera Fakuldade Enjenaria,Siensia no Tekonolojia , ne’ebe simu ho tara tais husi Decanu FECT Dr. Ruben Jeronimo Freitas no mos partisipa husi estrutra FECT, dosentes, estudantes no mos reprejentante JICA.
Iha vijita ne’e Decanu FECT hala’o aprejentasaun kona ba Perfil husi UNTL no FECT ba embaxador no nia Vice iha Meeting Room Hera, molok halo vijita ba área fakuldade Enjenaria nian.
Hafoin aprejentasaun iha momento ne’e Enbaxador mos hato’o nia sentidu agradesimentu ba FECT ne’ebe simu ona nia vijita no mos husu atu bele kria kooperasaun diak nafatin ho sira nia ajensia atu bele servisu hamutuk hodi bele dezenvolve Fakuldade nee ba futuru diak liu tan.
Iha biban ida ne’e Sr. Horoshi Minami mos hala’o vijita ba iha Biblioteka FECT, JICA Office iha kampus Hera, aula no laboratório husi departamentu Mecanica,Civil,Elektronika e Elektrika,Informatika no Geolojia Petroleu, além de ne’e Sr. Minami ms lao ba hare fatin ne’ebe atu halo edefisiu foun FECT nian ne’ebe hetan ajuda husi governu Japaun.
Ho vijita husi Embaxador Japaun ne’ebe mai rasik hare kondisaun FECT espera katak bele iha mudansa no mos bele kria servisu hamutuk ne’ebe diak liu tan iha futuru .
