|
Cinque Terre

Mensajen Husi Decano

Bemvindo mai iha website Faculdade de Engenharia, Ciencias e Technologia (FECT) ninian!

Iha tempu modernu hanesan agora, Teknolojia kona ba informasaun avansadu tebes. Nune’e, transmisaun informasaun mos lao lais los sem iha fronteira ne’ebe limite.

 

Nudar Fakuldade ida ne’ebe hamahon a’an iha UNTL nia okos, FECT hakarak aproveita mos meius teknolojia ne’ebe iha hodi fahe informasaun atividades kona ba misaun akademiku ninian hanesan; edukasaun, peskiza, homos kontribuisaun social, hodi bele atinji visaun murak sai sentru ekselensia ba siensia no teknolojia iha rai laran ba stakeholder sira hotu. Nune’e liu husi ideias sira ne’ebe mosu husi staff dosentes balun ikus mai hodi kria website FECT ninian rasik.

Website ida ne’e kria husi rekursu ne’ebe FECT iha, liu-liu husi docents balun iha departmente Enjenharia Informatika ninian. Horas ne’e dadaun Website ida ne’e jere husi ekipa IT iha ne’ebe sira mos nudar alumni husi departementu Informatika FECT nian rasik. Ekipa ne’e hetan supporta mos husi dosentes sira ne’ebe iha konhesementu kona ba website nian nune’e mos apoio husi dirasaun nasional Informasaun no teknolojia UNTL ninian.

Ami espera katak Website FECT nian bele sai nudar ponte informasaun hodi konekta no hametin ita nia unidade, dezemvolve siensia no teknolojia nune’e bele kontribui ba ita nia sosiadade homos dezinvolvementu rai laran nian. Obrigado.

Dr.Eng. Ruben Jeronimo Freitas

Decano FECT

Mapa Local FECT



Pagina Facebook


Ba Leten