|
|
Objectivos
Departemento de Engenharia Eletrica/Eletronica (DEEE) hanesan departementu ida husi departementu lima nebe hamahon an iha Faculdade de Engenharia, Ciencia no Technologia (FECT), Universidade Nasional Timor Lorosae nia okos neebe hari iha Tinan 2000.
Ho numeru docente nomos fasilidade nebe limitadu tebes DEEE iha tempu neeba hahu ninia programa ba dala uluk iha tinan 2000 ho programa diploma III. Hafoin liu husi esforso makas husi UNTL tomak no kolaborasaun ho parseiru coro JICA ba iha FECT no parseiru sira seluk, DEEE mos desenvolve aan nafatin atu nunee bele fo edukasaun ida neebe ho kualidade diak, nune’e bele produs graduadus nebe prontu hodi bele kontribui ba desinvolvementu nasional.
Horas ne’e dadaun, DEEE iha programa Licensiatura ba tinan 4 neebe hahu kedas iha 2012 hanesan kontinuasaun husi programa D-III. Ho mudansa ida nee, DEEE hakarak sai nudar centru ekselensia no teknolojia ba area elektrika/elektronika iha rai laran. Docenete sira iha DEEE, maioria akaba sira nia estudu iha rai liur hanesan; Indonesia, Portugal, Brasil, Japaun nomos Australia. DEEE iha Ph.D 1, Mestradu 10 nomos S1 1. Docente sira nain 4 horas nee kontinua hela sira nia estudu ba Mestradu nian iha Portugal nomos Japaun. DEEE konsentra ba iha area konsentrasaun lima (5), mak hanesan; Energia Renovavel, Sistema de Potencia, Controlo no Automacao, Eletronica de Potencia nomos Sistema de Informacão. Ho rekursu nomos fasilidade no laboratorio nebee iha, DEEE prontu nafatin atu halao programa hodi perpara jerasaun foun sira iha area ne’ebe existe nomos nakloke an nafatin hodi hala’o kooperasaun ho institusaun hotu husi estadu nomos privadu sira nune’e bele kontribui ba sosiade no desinvolvemento nasional.
DEEE halao graduasaun ba dahuluk ba nia estudante balun iha tinan 2003. Husi tinan 2003 too 2014, total estudante sira neebe hetan ona graduasaun hamutuk nain atus rua sianulu resin tolu (293). Husi numeru total ida ne’e, balun haknaar an iha instituisaun publiku sira iha rai laran, balun iha Organizasaun Non Govermental (ONG) sira, iha seitor privadu, no balun seluk kontinua sira nia estudu iha diaspora.
Too iha tinan 2014, tuir dadus ne’ebe iha, estudante sira neebe mak sei ativu hodi halao aktividade akademika iha DEEE hamutuk nain atus rua sianulu resin sia (299). Maioria husi numeru ida nee ho seksu mane (91%), no restu 9% ho seksu feto. Maske horas nee DEEE oferese ona kursu ho nivel lisensiatura ba estudante sira, maibe estudante D-III balun seidauk finaliza sira nia kursu tamba fator oi-oin.
Horas nee dau-daun, fasilidade ne’ebe DEEE iha mak hanesan: Laboratoriu elektronika analog no digital, laboratoriu instalasaun elektrika no kontrolo motor, laboratoriu transmisaun no distribuisaun, laboratoriu komputador, no laboratoriu energia renovavel. Ba futuru DEEE iha ona planu atu estabelese tan laboratoriu elektronika potensia nian no laboratiu sistema informasaun nian.
