Desportu no Rekreasaun

Desportu no rekreasaun iha Faculdade de Engenharia mak atividade importante sira ne’ebé kontribui ba saúde fízika, saúde mentál no bem-estar estudante, dosente no funsionáriu sira. Atividade hirak-ne’e inklui modalidade desportiva hanesan futeból, voleiból, basketeból, badminton no atividade rekreativa seluk ne’ebé promove movimentu fíziku, divertimentu no interasaun sosial entre membru sira iha komunidade universitária.

Liu husi atividade desportiva no rekreativa sira, estudante sira bele dezenvolve espírito ekipa, disip lina, lideransa, respeitu, responsabilidade no solidariedade. Atividade hirak-ne’e mós ajuda hamenus estres, hasa’e motivasaun no kria ekilíbriu entre atividade akadémika no vida pesoál. Aleinde ne’e, kompetisaun desportiva no eventu rekreativu sira bele hametin amizade, unidade no kooperasaun entre estudante husi departamentu diferente sira.

Nune’e, Faculdade de Engenharia promove desportu no rekreasaun nu’udar parte ida husi dezenvolvimentu estudante ne’ebé kompletu, la’ós de’it iha área akadémika no téknika, maibé mós iha saúde, karakter no relasaun sosial. Ho partisipasaun ativa iha atividade hirak-ne’e, estudante sira bele forma an sai profisionál ne’ebé saudável, disiplinadu no iha responsabilidade sosial ba komunidade no nasaun.