Laboratorium Departamnetu Enjiñaria-Sivil Edifisiu Foun

Departamentu Enjiñaria Sivíl

Laboratorium Departamnetu Enjiñaria-Sivil Edifisiu Foun

Laboratoriu iha Departamentu Enjenaria Sivil mak fasilidade importante ida ne’ebé suporta prosesu aprendizajen prátiku, peskiza no dezenvolvimentu iha área konstrusaun no infraestrutura. Laboratoriu sira permite estudante no dosente sira atu halo teste, esperimentu no analiza materiál konstrusaun, estrutura, bee no rai, hodi aplika koñesimentu teóriku ba situasaun prátika.

Laboratoriu iha Departamentu Enjenaria Sivil mak fasilidade importante ida ne’ebé dezenvolve atu apoia prosesu aprendizajen, prátika, peskiza no inovasaun iha área Enjenaria Sivil. Laboratoriu sira fó oportunidade ba estudante, dosente no peskizadór atu aplika koñesimentu teóriku ne’ebé hetan iha sala aula ba atividade prátika liuhusi teste, esperimentu no analiza.

Iha área Enjenaria Sivil, laboratoriu desempenha papel importante iha estudu kona-ba materiál no sistema konstrusaun. Estudante sira bele aprende kona-ba propriedade no qualidade materiál hanesan betão, simentu, agregadu, rai, asfalte no materiál konstrusaun seluk. Liuhusi teste laboratoriu, bele determina karakterístika no rezisténsia materiál antes uza iha projetu konstrusaun.

Laboratoriu mos suporta área hanesan mekánika rai (soil mechanics), materiál konstrusaun, mekanika estrutura, bee no hidráulika, transportasaun no konstrusaun. Atividade prátika iha laboratoriu ajuda estudante sira komprende oinsá forsa, presaun, rezisténsia, estabilidade no propriedade físika no mekanika afeta estrutura no infraestrutura.

Aleinde atividade aprendizajen, laboratoriu bele sai fatin importante ba peskiza no dezenvolvimentu. Dosente no estudante sira bele realiza peskiza kona-ba problema konstrusaun no infraestrutura ne’ebé relevante ba realidade Timor-Leste, inklui dezenvolvimentu estrada, ponte, edifísiu, sistema drenajen, bee no infraestrutura públika. Rezultadu husi peskiza sira bele kontribui ba dezenvolvimentu solusaun tékniku ne’ebé apropriadu no sustentável.

Ho apoiu husi ekipamentu no prosedimentu laboratoriu ne’ebé apropriadu, estudante sira bele dezenvolve kompeténsia téknika, kapasidade analiza, habilidade rezolve problema no atitude profisionál. Nune’e, laboratoriu iha Departamentu Enjenaria Sivil la'ós de'it fatin atu halo teste, maibé mos sai hanesan ambiente aprendizajen no peskiza ne’ebé prepara estudante sira atu enfrenta dezafiu iha mundu profisionál no kontribui ba dezenvolvimentu infraestrutura iha Timor-Leste.

Informasaun Laboratóriu

Lokalizasaun

Hera

Ekipamentu no Fasilidade

Instrumentu no rekursu importante ne’ebé iha laboratóriu ida-ne’e.

Vacuum Desiccator

Vacuum Desiccator mak ekipamentu laboratóriu ne'ebé uza atu rai no hamaran amostra ka material sensível hodi labele kona umidade (bokon) no anin.

California Bearing Ratio (CBR)

Máquina Teste CBR mak ekipamentu laboratóriu importante ida ne'ebé uza hodi sura no avalia kbiit ka kualidade rai (liuliu ba parte subgrade ka rai-baze no base course ka kapa li'ur) ne'ebé sei uza ba halo estrada ka pista aviaun.

Consolidation Test Apparatus

Consolidation Test Apparatus mak ekipamentu laboratóriu ne'ebé uza atu halo teste konsolidasaun ba amostra rai (soil sample) hodi hatene oinsá rai ne'e bele monu ka muda nia laran-badak (settlement) kuandu simu todan husi konstrusaun.

Vacuum De-Airing Apparatus

Vacuum De-Airing Apparatus mak ekipamentu laboratóriu ne'ebé uza bomba vakuum hamutuk ho vazo ka tanki espesífiku atu hasai anin hotu husi amostra rai ka bee molok halo teste.

Soil Sampling Tubes / Core Cutters

Soil Sampling Tubes / Core Cutters mak ekipamentu laboratóriu no kampu nian ne'ebé uza atu foti no rai amostra rai ne'ebé seidauk estraga (undisturbed soil sample) hodi lori mai laboratóriu hodi halo teste densidade, peso volúme, no kbiit rai nian.