Biblioteka Fakuldade Enjenaria

Biblioteka iha Fakuldade Enjenaria, Siénsias no Teknolojia (FECT) mak fasilidade akademika importante ida ne’ebé suporta atividade ensino, aprendizajen, investigasaun no dezenvolvimentu koñesimentu. Biblioteka fornese asesu ba livru, jurnal sientífiku, referénsia téknika, publikasaun akademika no rekursu dijitál ne’ebé relevante ho área Enjenaria, Siénsias no Teknolojia.

Biblioteka mos sai sentru aprendizajen no peskiza ba estudante, dosente no peskizadór sira. Liuhusi rekursu sira ne’ebé disponivel, utilizadór bele buka informasaun, halo estudu independente, prepara tarefa no projetu, no suporta atividade investigasaun.

Ho dezenvolvimentu teknolojia dijitál, biblioteka bele integra rekursu eletróniku, baze-dadus online, e-book, jurnal dijitál no sistema katalogu online, nune’e utilizadór sira bele asesu informasaun ho fasil no efisiente.

Nune’e, Biblioteka FECT iha papel importante atu hasa’e qualidade aprendizajen, suporta investigasaun no promove kultura leitura no partilha koñesimentu iha komunidade akademika.