Edifisiu Cube House

Edifísiu Cube House mak parte importante ida iha ambiente FECT, ne’ebé utiliza atu apoia atividade administrativu, koordenasaun no jestaun institusionál. Edifísiu ne’e inklui Sala Senadu no sala sira ba núkleu husi departamentu hotu iha FECT, ne’ebé desempenha funsaun importante iha organizasaun no implementasaun atividade akademiku no administrativu iha fakuldade.

Sala Senadu serve hanesan fatin ba reuniaun, diskusaun no koordenasaun kona-ba asuntu sira ne’ebé relasiona ho jestaun no dezenvolvimentu fakuldade. Enkuantu sala ba núkleu departamentu sira nian, sira utiliza atu fasilita komunikasaun, planeamentu, koordenasaun no akompañamentu ba atividade sira iha kada departamentu. Fasilidade sira-ne’e ajuda hodi hametin kooperasaun entre lideransa, dosente no membru sira ne’ebé envolve iha jestaun akademiku.

Ho ezisténsia Edifísiu Cube House, atividade administrativu no akademiku bele hala’o iha fatin ne’ebé apropriadu, organizadu no fasil atu asesu. Tanba ne’e, edifísiu ne’e iha papél importante iha apoiu ba funsionamentu FECT, liuliu iha prosesu foti desizaun, koordenasaun entre departamentu sira no hadi’a kualidade jestaun institusionál. Edifísiu Cube House la’ós de’it fatin ba servisu administrativu, maibé mós fatin ne’ebé kontribui ba komunikasaun no kolaborasaun atu atinji objetivu no dezenvolvimentu fakuldade.