Jardin FECT

Jardim Faculdade de Engenharia, Ciência e Tecnologia (FECT), Universidade Nacional Timor Lorosa’e (UNTL), mak ida hosi área verde ne’ebé iha ambiente kampus. Jardim ne’e kompostu hosi plantas, ai-hun, ai-funan, relva no elementu paisajen seluk ne’ebé kontribui ba beleza no qualidade ambiente iha FECT. Além hosi funsaun estetika, jardim mos iha funsaun sosial no ambientál, tanba bele sai fatin ba estudante, dosente no komunidade akademika atu deskansa, halo interasaun no aproveita ambiente natural.

Presensa jardim iha ambiente kampus importante tebes tanba ai-hun no plantas bele fó sombra, ajuda hamenus temperatura no kria ambiente ne’ebé fresku no komfortável. Jardim mos bele sai fatin edukativu ida ba estudante sira atu aprende kona-ba natureza, plantas no importância preservasaun ambiente. Tanba ne’e, manutensaun jardim presiza halo regularmente, hanesan rega plantas, poda ai-hun, hamos relva, halakon lixu no asegura limpeza área. Ho manutensaun ne’ebé di’ak, jardim FECT bele nafatin sai ambiente verde, limpu, furak no apropriadu ba atividade akademika no sosial.