Fakuldade Enjeñaria, Siénsia no Teknolojia (Siglá Portugéz FECT) nia Dekanu, Profesór Adalfredo G. da Silva Ximenes hamutuk ho estrutura no konsellu diretiva realiza enkontru koordenasaun estratéjiku, iha Salaun Reuniaun I, FECT, Hera (10/03).

Objetivu husi enkontru ne’e hodi koalia kona-ba planu anuál 2027 nian, fahe informasaun kona-ba atividade akadémika sira ne'ebé la'o hela iha inísiu semestre 2026 nian, no hametin implementasaun Pilar Tolu iha Ensinu Superiór nian: Ensinu, Peskiza, no Servisu Komunitáriu.

Atividade ne’e hala’o nu’udar parte ida husi esforsu atu hametin governasaun akadémika no planeamentu estratéjiku fakuldade nian.

Partisipa husi Visedekanu sira, Diretór Kursu Mestradu, Diretór no Vise Departamentu sira no Funsionáriu Administrasaun.