Fakuldade Enjeñaria, Siénsia no Teknolojia (Siglá Portugéz FECT) nia Departamentu Kursu Mestradu iha Área Enjeñaria realiza Semináriu Sientífiku ne’ebé aprezenta husi Estudante Finalista Kandidatu Graduadu na'in-8, iha Auditóriu Fakuldade Enjenaria, Hera, Dili (19/06).
Iha abertura ba Semináriu ne'e, Visereitór ba Asuntu Pós-Graduasaun no Peskiza, Profesór Dr. Vicente de Paulo Correia hatete, Fakuldade Enjeñaria nia Kursu Mestradu iha Área Enjeñaria hatudu nia komitmentu hodi produz kandidatu graduadu tuir duni tempu estudu estudante sira nian ho durasaun ne’ebé lalais.
"𝗞𝘂𝗿𝘀𝘂 𝗠𝗲𝘀𝘁𝗿𝗮𝗱𝘂 𝗶𝗵𝗮 𝗙𝗮𝗸𝘂𝗹𝗱𝗮𝗱𝗲 𝗘𝗻𝗷𝗲ñ𝗮𝗿𝗶𝗮 𝗻𝗶𝗮𝗻 𝗵𝗮𝘁𝘂𝗱𝘂 𝗱𝘂𝗻𝗶 𝗻𝗶𝗮 𝗸𝗼𝗺𝗶𝘁𝗺𝗲𝗻𝘁𝘂 𝗹𝗶𝘂𝗵𝗼𝘀𝗶 𝗻𝗶𝗮 𝗲𝘇𝗶𝘀𝘁𝗲𝗻𝘀𝗶𝗮 𝗶𝗵𝗮 𝘁𝗶𝗻𝗮𝗻 𝗿𝘂𝗮 𝗻𝗲’𝗲 𝗵𝗼𝗱𝗶 𝗽𝗿𝗼𝗱𝘂𝘇 𝗸𝗮𝗻𝗱𝗶𝗱𝗮𝘁𝘂 𝗴𝗿𝗮𝗱𝘂𝗮𝗱𝘂 𝘁𝘂𝗶𝗿 𝗱𝘂𝗻𝗶 𝘁𝗲𝗺𝗽𝘂 𝗲𝘀𝘁𝘂𝗱𝘂 𝗲𝘀𝘁𝘂𝗱𝗮𝗻𝘁𝗲 𝘀𝗶𝗿𝗮 𝗻𝗶𝗮𝗻 𝗵𝗼 𝗱𝘂𝗿𝗮𝘀𝗮𝘂𝗻 𝘁𝗶𝗻𝗮𝗻 𝗿𝘂𝗮," dehan Profesór Vicente.
Liután, Visereitór enkoraja atu modelu semináriu sientífiku ne'ebé implementa hosi Kursu Mestradu Enjeñaria nian atu kontinua mantein no dezenvolve iha períodu sira tuirmai nu'udar meiu ida atu habelar rezultadu peskiza sira ne'ebé bele fó benefísiu ba komunidade akadémika no públiku.
"𝗛𝗮'𝘂 𝗵𝘂𝘀𝘂 𝗮𝘁𝘂 𝗙𝗮𝗸𝘂𝗹𝗱𝗮𝗱𝗲 𝗘𝗻𝗷𝗲ñ𝗮𝗿𝗶𝗮 𝗻𝗶𝗮 𝗞𝘂𝗿𝘀𝘂 𝗠𝗲𝘀𝘁𝗿𝗮𝗱𝘂 𝗸𝗼𝗻𝘁𝗶𝗻𝘂𝗮 𝗱𝗲𝘇𝗲𝗻𝘃𝗼𝗹𝘃𝗲 𝗻𝗼 𝗺𝗮𝗻𝘁𝗲𝗶𝗻 𝗺𝗼𝗱𝗲𝗹𝘂 𝘀𝗲𝗺𝗶𝗻á𝗿𝗶𝘂 𝗶𝗱𝗮-𝗻𝗲'𝗲 𝗶𝗵𝗮 𝗽𝗲𝗿í𝗼𝗱𝘂 𝘀𝗶𝗿𝗮 𝘁𝘂𝗶𝗿𝗺𝗮𝗶 𝗵𝗼𝗱𝗶 𝗯𝗲𝗹𝗲 𝗱𝗶𝘀𝗲𝗺𝗶𝗻𝗮 𝗶𝗻𝗳𝗼𝗿𝗺𝗮𝘀𝗮𝘂𝗻 𝗶𝗺𝗽𝗼𝗿𝘁𝗮𝗻𝘁𝗲 𝗻𝗼 𝗿𝗲𝘇𝘂𝗹𝘁𝗮𝗱𝘂 𝗽𝗲𝘀𝗸𝗶𝘇𝗮 𝘀𝗶𝗿𝗮. 𝗧𝗶𝗻𝗮𝗻 𝗼𝗶𝗻, 𝗮𝗺𝗶 𝗺ó𝘀 𝗽𝗹𝗮𝗻𝘂 𝗮𝘁𝘂 𝗶𝗺𝗽𝗹𝗲𝗺𝗲𝗻𝘁𝗮 𝗺𝗼𝗱𝗲𝗹𝘂 𝘀𝗲𝗺𝗶𝗻á𝗿𝗶𝘂 𝘀𝗶𝗿𝗮 𝗵𝗮𝗻𝗲𝘀𝗮𝗻 𝗻𝗲𝗲 𝗯𝗮 𝗳𝗮𝗸𝘂𝗹𝗱𝗮𝗱𝗲 𝘀𝗶𝗿𝗮 𝗻𝗲’𝗲𝗯é 𝗶𝗺𝗽𝗹𝗲𝗺𝗲𝗻𝘁𝗮 𝗼𝗻𝗮 𝗞𝘂𝗿𝘀𝘂 𝗠𝗲𝘀𝘁𝗿𝗮𝗱𝘂," dehan Visereitór.
Visereitór mós hato’o nia apresiasaun ba parte hotu-hotu ne’ebé kontribui ona ba dezenvolvimentu Kursu Mestradu Enjeñaria nian.
“𝗛𝗮’𝘂 𝗵𝗮𝗸𝗮𝗿𝗮𝗸 𝗵𝗮𝘁𝗼’𝗼 𝗽𝗮𝗿𝗮𝗯é𝗻𝘀 𝗯𝗮 𝗘𝘀𝘁𝗿𝘂𝘁𝘂𝗿𝗮 𝗙𝗮𝗸𝘂𝗹𝗱𝗮𝗱𝗲 𝗘𝗻𝗷𝗲ñ𝗮𝗿𝗶𝗮, 𝗗𝗶𝗿𝗲𝘁ó𝗿 𝗞𝘂𝗿𝘀𝘂 𝗠𝗲𝘀𝘁𝗿𝗮𝗱𝘂, 𝗻𝗼 𝗝𝗜𝗖𝗔 (𝗝𝗮𝗽𝗮𝗻 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗖𝗼𝗼𝗽𝗲𝗿𝗮𝘁𝗶𝗼𝗻 𝗔𝗴𝗲𝗻𝗰𝘆) 𝗻𝗲’𝗲𝗯é 𝗻𝗮𝗳𝗮𝘁𝗶𝗻 𝗮𝗽𝗼𝗶𝘂 𝗵𝗼𝗱𝗶 𝗳𝗼 𝘀𝘂𝘀𝗲𝘀𝘂 𝗯𝗮 𝗱𝗲𝘀𝗲𝗻𝘃𝗼𝗹𝘃𝗶𝗺𝗲𝗻𝘁𝘂 𝗞𝘂𝗿𝘀𝘂 𝗠𝗲𝘀𝘁𝗿𝗮𝗱𝘂 𝗻𝗲’𝗲,” Visereitór dehan.
Semináriu sientífiku ne’e nu’udar momentu importante ida hodi disemina rezultadu peskiza akadémika no mós marka susesu ba kontinjente dahuluk husi Programa Mestradu Enjeñaria nian ne’ebé ofisialmente implementa tiha ona iha tinan 2024. Kandidatu Graduadu mestradu na’in-8 ne’ebé aprezenta sira nia rezultadu peskiza kompostu husi estudante feto na’in-3 no mane na’in-5, estudante na’in-8 ne’e, tuir kalendáriu graduasaun nian katak sei gradua iha loron 25 fulan-juñu tinan 2026.
Realizasaun Semináriu Sientífiku ne’e reflete ba kompromisu Fakuldade Enjeñaria, Siénsia no Teknolojia nian hodi hasa’e kualidade ensinu, hametin kultura peskiza, no enkoraja diseminasaun koñesimentu no inovasaun ne’ebé prodús hosi komunidade akadémika.
Ho susesu husi kontinjente dahuluk husi Kursu Mestradu iha Área Enjeñaria, Fakuldade Enjenãria subliña liután ninia knaar nu’udar instituisaun ensinu superiór ne’ebé iha kompromisu atu prodús rekursu umanu kompetente, inovativu ne’ebé iha kapasidade atu fó kontribuisaun ba Nasaun nia dezenvolvimentu nasionál.
Partisipa iha Semináriu ne’e husi Koordenadór ba Projetu CADEGRADE (Capacity Development of Graduate Education of Engineering), Sr. Kenichiro Komatsu, Diretór ba Projetu CADEGRADE, Profesór Sekine Masahiko, Konsellu diretiva FECT, Dosente no estudante sira.
