Faculdade de Engenharia, Ciência e Tecnologia (FECT), liuhusi Assosiação Académica Estudantil, Faculdade de Engenharia, Ciência e Tecnologia (AAE-FECT) servisu hamutuk ho Wikimedia Indonézia no Wikimedians Timor-Leste liuhusi programa ESEAP (EAST, SOUTHEAST ASIA AND THE PACIFIC REGIONAL COOPERATION) Hub, realiza treinamentu kona-ba “WikiTraining: Wikimedia Commons & Wikipedia” durante loron 27-28 fulan Juñu tinan 2026, iha Sala de aula L5 no Auditorium Fakuldade Enjeñaria, Hera, Dili.
Iha diskursu Visedekanu ba Asuntu Estudantis FECT-UNTL, Profesór João Guterres hato’o nia apresiasaun ba formadór sira ne’ebé mai husi Indonézia no ho esperasana katak kolaborasaun ne’ebé estabelese ona bele kontinua iha futuru.
"𝗔𝗺𝗶 𝗮𝗴𝗿𝗮𝗱𝗲𝘀𝗲 𝗯𝗮 𝗲𝗸𝗶𝗽𝗮 𝗳𝗼𝗿𝗺𝗮𝗱ó𝗿 𝘀𝗶𝗿𝗮 𝗻𝗲’𝗲𝗯é 𝗺𝗮𝗶 𝗳𝗮𝗵𝗲 𝗼𝗻𝗮 𝗶𝘁𝗮-𝗯𝗼𝗼𝘁 𝘀𝗶𝗿𝗮 𝗻𝗶𝗮 𝗸𝗼ñ𝗲𝘀𝗶𝗺𝗲𝗻𝘁𝘂 𝗻𝗼 𝗲𝘀𝗽𝗲𝗿𝗮 𝗸𝗮𝘁𝗮𝗸 𝗽𝗿𝗼𝗴𝗿𝗮𝗺𝗮 𝘀𝗶𝗿𝗮 𝗵𝗮𝗻𝗲𝘀𝗮𝗻 𝗻𝗲’𝗲 𝗯𝗲𝗹𝗲 𝗻𝗮𝗳𝗮𝘁𝗶𝗻 𝗸𝗼𝗻𝘁𝗶𝗻𝘂𝗮 𝗻𝗼 𝗸𝗼𝗹𝗮𝗯𝗼𝗿𝗮 𝗶𝗵𝗮 𝗳𝘂𝘁𝘂𝗿𝘂. 𝗔𝘁𝗶𝘃𝗶𝗱𝗮𝗱𝗲 𝗻𝗲’𝗲𝗯é 𝗶𝗺𝗽𝗹𝗲𝗺𝗲𝗻𝘁𝗮 𝗼𝗻𝗮 𝗻𝗲’𝗲 𝗱𝗶’𝗮𝗸 𝗵𝗼𝗱𝗶 𝗱𝗲𝘇𝗲𝗻𝘃𝗼𝗹𝘃𝗲 𝗸𝗮𝗽𝗮𝘀𝗶𝗱𝗮𝗱𝗲 𝗮𝗸𝗮𝗱é𝗺𝗶𝗸𝗮 𝗻𝗼 𝗹𝗶𝘁𝗲𝗿𝗮𝘀𝗶𝗮 𝗱𝗶𝗷𝗶𝘁á𝗹 𝗸𝗼𝗺𝘂𝗻𝗶𝗱𝗮𝗱𝗲 𝗮𝗸𝗮𝗱é𝗺𝗶𝗸𝗮 𝗻𝗶𝗮𝗻," dehan Prof. João Guterres.
Profesór João Guterres mós enkoraja estudante sira atu aproveita oportunidade ida-ne'e ho di'ak nu'udar parte ida hodi dezenvolve sira nia kompeténsia sira iha era dijitál.
"𝗕𝗮 𝗲𝘀𝘁𝘂𝗱𝗮𝗻𝘁𝗲 𝘀𝗶𝗿𝗮, 𝗶𝗱𝗮-𝗻𝗲'𝗲 𝗵𝗮𝗻𝗲𝘀𝗮𝗻 𝗼𝗽𝗼𝗿𝘁𝘂𝗻𝗶𝗱𝗮𝗱𝗲 𝗱𝗶’𝗮𝗸 𝗶𝗱𝗮 𝗵𝗼𝗱𝗶 𝗮𝗽𝗿𝗲𝗻𝗱𝗲, 𝗱𝗲𝘇𝗲𝗻𝘃𝗼𝗹𝘃𝗲 𝗮𝗯𝗶𝗹𝗶𝗱𝗮𝗱𝗲 𝗳𝗼𝘂𝗻 𝘀𝗶𝗿𝗮, 𝗻𝗼 𝗸𝗼𝗻𝘁𝗿𝗶𝗯𝘂𝗶 𝗯𝗮 𝗵𝗮𝗿𝗶𝗶 𝗻𝗼 𝗵𝗮𝗯𝗲𝗹𝗮𝗿 𝗸𝗼ñ𝗲𝘀𝗶𝗺𝗲𝗻𝘁𝘂 𝗻𝗲'𝗲𝗯é 𝗳ó 𝗯𝗲𝗻𝗲𝗳í𝘀𝗶𝘂 𝗯𝗮 𝗸𝗼𝗺𝘂𝗻𝗶𝗱𝗮𝗱𝗲," dehan Profesór João Guterres.
WikiTraining ida-ne'e ho objetivu atu aumenta literasia dijitál ba akadémiku sira, liuliu hodi utiliza plataforma Wikipedia no Wikimedia Commons hanesan meiu ida atu habelar koñesimentu ne'ebé asesivel no nakloke ba komunidade globál. Liuhusi treinamentu ida-ne'e, partisipante sira hetan koñesimentu kona-ba ekosistema Wikimedia, prinsípiu sira edit artigu sira Wikipedia nian bazeia ba fonte sira ne'ebé bele verifika, no prosedimentu sira atu hasai no jere arkivu dijitál sira iha Wikimedia Commons enkuantu observa direitu autór nian, open licenses, no étika publikasaun nian.
Partisipa iha treinamentu ne’e husi Estudante Universidade Nacional Timor Lorosa'e (UNTL), Universidade da Paz (UNPAZ), Universidade Católica Timorense (UCT), Grupu voluntáriu sira, ekipa Wikimedia Indonézia, no ekipa tékniku Wikimedians Timor-Leste.
