Fakuldade Enjeñaria, Siénsia no Teknolojia (Siglá Portugéz FECT) kontinua hametin ninia parseria estratéjiku ho Tsuneishi – Timor Shipbuilding (TTS), Kompañia internasionál konstrusaun ró nian husi nasaun Japaun ne’ebé lokaliza iha Dili. Kolaborasaun ne’e foka liu ba dezenvolve kapasidade rekursu umanu nasionál liuhosi apoiu bolsu estudu no fó oportunidade servisu ba estudante no alumni FECT-UNTL.

Semináriu ida-ne'e ho objetivu atu fornese informasaun komprensivu kona-ba perfil Kompañia nian, mekanizmu selesaun nian, kualifikasaun sira ne'ebé presiza, no oportunidade sira asesu ba bolsu estudu no dezenvolvimentu kareira profisionál nian iha Tsuneishi – Timor Shipbuilding (TTS).

Nu’udar etapa inisiu ba prosesu rekrutamentu, Semináriu Rekrutamentu husi TTS sei hala’o iha:

𝗞𝗶𝗻𝘁𝗮-𝗳𝗲𝗶𝗿𝗮, 𝟬𝟱 𝗙𝘂𝗹𝗮𝗻-𝗠𝗮𝗿𝘀𝘂 𝘁𝗶𝗻𝗮𝗻 𝟮𝟬𝟮𝟲
𝟭𝟮:𝟮𝟬 𝘁𝗼’𝗼 𝗿𝗲𝗺𝗮𝘁𝗮
𝗔𝘂𝗱𝗶𝘁ó𝗿𝗶𝘂 𝗙𝗘𝗖𝗧-𝗨𝗡𝗧𝗟, 𝗛𝗲𝗿𝗮 – 𝗗í𝗹𝗶

Ho nune’e, Fakuldade enkoraja alumni no estudante hotu-hotu atu bele partisipa iha semináriu ne’e nu’udar parte ida hodi bele prepara-an atu asesu ba bolsu estudu no mos atu tama iha forsa traballu profisionál.

Atividade ida ne’e reflete kompromisu FECT-UNTL nian hodi hasa’e kualidade graduadu sira nian no kontribui maka’as ba dezenvolvimentu nasionál.