Iha diskursu Dekanu FECT Profesór Adalfredo G. da Silva Ximenes hatete katak hili Fakuldade Enjeñaria nian maka pasu di’ak ida hodi harii futuru ida ne'ebé di'ak liu. Nia subliña katak susesu estudante nian determina la'ós de'it hosi abilidade akadémika, maibé mós hosi karakter, dixiplina, no kompromisu hodi nafatin aprende no estuda.
"𝗕𝗲𝗺-𝘃𝗶𝗻𝗱𝘂 𝗯𝗮 𝗲𝘀𝘁𝘂𝗱𝗮𝗻𝘁𝗲 𝗳𝗼𝘂𝗻 𝘀𝗶𝗿𝗮. 𝗔𝗽𝗼𝘀𝘁𝗮 𝗺𝗮𝗶 𝗶𝗵𝗮 𝗘𝗻𝗷𝗲ñ𝗮𝗿𝗶𝗮 𝗸𝗮𝘁𝗮𝗸 𝗶𝗺𝗶 𝗮𝗽𝗼𝘀𝘁𝗮 𝗯𝗮 𝗶𝗺𝗶 𝗻𝗶𝗮 𝗳𝘂𝘁𝘂𝗿𝘂 𝗻𝗲’𝗲𝗯é 𝘀𝗲𝗶 𝘀𝘂𝘀𝗲𝘀𝘀𝘂," dehan dekanu FECT.
Liután, Dekanu subliña importánsia igualdade no inkluzividade iha ambiente akadémiku. Fakuldade iha kompromisu atu kria ambiente aprendizajen ida ne'ebé justu no nakloke ba estudante hotu-hotu, la haree ba background sosiál, kulturál, ka relijiozu. Prinsípiu ida-ne'e atu haburas interasaun akadémika ne'ebé saudavel no respeitu ba malu entre komunidade akadémika.
"𝗜𝗵𝗮 𝗳𝗮𝗸𝘂𝗹𝗱𝗮𝗱𝗲 𝗶𝗱𝗮-𝗻𝗲'𝗲, 𝗮𝗺𝗶 𝘁𝗿𝗮𝘁𝗮 𝗻𝗼 𝗵𝗮𝗿𝗲 𝗲𝗺𝗮 𝗵𝗼𝘁𝘂 𝗵𝗮𝗻𝗲𝘀𝗮𝗻 𝗹𝗮 𝗵𝗮𝗿𝗲 𝗯𝗮 𝗸ó𝗿 𝗸𝘂𝗹𝗶𝘁, 𝗿𝗮𝘀𝗮, 𝗿𝗲𝗷𝗶𝗮𝘂𝗻, 𝗿𝗲𝗹𝗶𝗷𝗶𝗮𝘂𝗻, 𝗳𝗮𝗺𝗶𝗹𝗶𝗮𝗿𝗶𝘀𝗺𝘂, 𝗻𝗼 𝗽𝗮𝗿𝘁𝗶𝗱á𝗿𝗶𝘂," dekanu subliña.
Atu remata, Dekanu hato'o katak estudante hotu-hotu iha oportunidade hanesan atu aprende no hatene. Maibé, ne’e depende ba individu ida-idak nia esforsu no kompromisu hodi aprende no estuda. Tanba ne'e, estudante sira tenki ativu, dixiplinadu, no iha tenki iha espíritu hodi dezenvolve sira nia potensiál enkuantu estuda iha FECT.
"𝗘𝘀𝘁𝘂𝗱𝗮𝗻𝘁𝗲 𝘀𝗶𝗿𝗮 𝗵𝗼𝘁𝘂 𝘀𝗲𝗶 𝗵𝗲𝘁𝗮𝗻 𝗼𝗽𝗼𝗿𝘁𝘂𝗻𝗶𝗱𝗮𝗱𝗲 𝗵𝗮𝗻𝗲𝘀𝗮𝗻. 𝗦𝘂𝘀𝗲𝘀𝘂 𝘀𝗲𝗶 𝗱𝗲𝘁𝗲𝗿𝗺𝗶𝗻𝗮 𝗹𝗶𝘂 𝗵𝗼𝘀𝗶 𝘃𝗼𝗻𝘁𝗮𝗱𝗲 𝗻𝗼 𝗲𝘀𝗳𝗼𝗿𝘀𝘂 𝗵𝘂𝘀𝗶 𝗶𝗺𝗶 𝗶𝗱𝗮-𝗶𝗱𝗮𝗸 𝗮𝘁𝘂 𝗯𝗲𝗹𝗲 𝗸𝗼𝗻𝘁𝗶𝗻𝘂𝗮 𝗮𝗽𝗿𝗲𝗻𝗱𝗲 𝗻𝗼 𝗱𝗲𝘀𝗸𝗼𝗯𝗿𝗲 𝗯𝘂𝗮𝘁 𝗳𝗼𝘂𝗻 𝘀𝗶𝗿𝗮," dekanu konklui.
Aleinde ne’e, iha okaziaun ida ne’e mos hala’o lansamentu ba Sistema Informasaun no Jestaun Residénsia Faculdade de Engenharia, Ciência e Tecnologia (SIG-RUFECT). ne’ebé dezenvolve husi Asosiação Académica Estudantil (AAE) liuhusi Divizaun Marketing no Departamento Informática ne’ebé hetan supervizaun husi Reitoria liuhusi Pro-Reitoria para os Assuntos de Informatização, Transformação Digital e Inovação (PRAITDI).
Partisipa husi Pro-Reitoria para os Assuntos de Informatização, Transformação Digital e Inovação (PRAITDI), Eng. Frederico Soares Cabral, Vise Dekanu sira, dosente, estudante no konvidadu sira.
