Fakuldade Enjeñaria, Siénsia no Teknolojia (Siglá Portugéz FECT), Departamentu Enjeñaria Informátika (DEI) nia Estudante Estajiadu na’in 93 remata sira-nia Programa Estájiu Servisu Sosiál (ESS) durante fulan ida loron lima iha Munisípiu Covalima liu husi realiza Festa Serimónia Enseramentu no Agradesimentu iha Salaun Administrasaun Munisípiu Covalima (13/08).
Durante sira-nia Programa Estájiu Servisu Sosiál (ESS), estudante sira husi Departamentu Enjeñaria Informátika la’ós de’it envolve iha atividade servisu sosiál no servisu komunitáriu, maibé mós dezenvolve sistema inovativu sira hodi apoia operasaun sira husi sira-nia instituisaun ne’ebé sira estájiu ba. Iha serimónia enseramentu, estudante na’in rua, 𝗔𝗿𝗹𝗶𝗻𝗱𝗼 𝗦𝗼𝗮𝗿𝗲𝘀 𝗣𝗲𝗿𝗲𝗶𝗿𝗮 no 𝗟𝗲𝗼𝗻𝗶𝗮 𝗠𝗮𝗿𝘁𝗶𝗻𝘀 𝗱𝗮 𝗖𝘂𝗻𝗵𝗮, simbolikamente entrega manuál ida ne’ebé kontein instrusaun operasaun ba sistema ne’ebé sira dezenvolve ona. Entrega ida-ne'e hodi asegura sistema nia utilizasaun kontinua iha instituisaun relevante sira.
