Estudante FECT-DEM Hamutuk Ho Autoridade, Grupu Karizmatiku No Komunidade Nitibe Konstrui Kapela Foun

Fakuldade Enjeñaria, Siénsia no Teknolojia (FECT), nia estudante Departamentu Enjeñaria Mekánika (DEM), liuhosi programa Estájiu Servisu Sosiál (ESS) durante fulan ida resin, hamutuk ho autoridade administrativa sira, komunidade lokál sira, no Karizmátiku Espíritu Santu Katedral Dili, konstrui Kapela São Vicente de Paulo, iha Aldeia Mahata, Suku Lelaufe, Postu administrativu Nitibe, Região Administrativa Especial de Oé-Cusse Ambeno (31/08).

Xefe Departamentu Enjeñaria Mekánika, Profesór Mario Marques Cabral, hatete katak atividade ne’e nu’udar implementasaun reál husi funsaun universidade nian, liu-liu kona-ba atendimentu ba komunidade.