Servisu Komunitáriu no Voluntariadu

Servisu komunitáriu no voluntáriu sira iha Faculdade de Engenharia mak atividade sosial ne’ebé promove solidariedade, responsabilidade no partisipasaun estudante sira iha dezenvolvimentu komunidade. Atividade hirak-ne’e inklui limpeza ambiente, plantasaun ai-horis, kampaña saúde, apoiu ba komunidade vulnerável no atividade sosial seluk.

Liu husi atividade hirak-ne’e, estudante sira aprende atu servisu hamutuk, dezenvolve espírito lideransa no aplika koñesimentu ne’ebé hetan iha sala aula atu ajuda komunidade. Aleinde ne’e, servisu voluntáriu sira hametin relasaun entre universidade no sosiedade, promove konsiénsia sosial no kultura ajuda malu. Nune’e, Faculdade de Engenharia kontribui atu forma estudante sira sai profisionál responsavel, solidáriu no prontu atu partisipa ativamente iha dezenvolvimentu sustentável Timor-Leste.